«Լանցետ»-ը հինգ ամենամահաբեր անօդաչու թռչող սարքերից մեկն է. ամերիկացի փորձագետներ
ՄԻՋԱԶԳԱՅԻՆ
Մի քանի տասնամյակ առաջ ոչ ոք չէր էլ կարող պատկերացնել, թե ինչ կարևոր դեր կխաղան անօդաչու թռչող սարքերը մարտական գործողություններում։ Մեր օրերում ոչ մի ռազմական հակամարտություն չի կարող շարունակվել առանց դրանց։ Անօդաչու թռչող սարքերը զբաղվում են հետախուզությամբ, կրակի կարգավորմամբ, զինամթերք և սնունդ մատակարարելով, ինչպես նաև ոչնչացնում են թիրախները, այդ թվում տանկերը, գրում է overclockers.ru-ն։
Ամերիկյան The National Interest (NI) ամսագիրը կազմել է ամենամահաբեր անօդաչու թռչող սարքերի հնգյակը: Եվ այդ վարկանիշում ներառվել է ռուսական կամիկաձե անօդաչու «Լանցետ»-ը։ Վարկանիշը հետևյալն է.
-MQ-9 Reaper General Atomics-ից (ԱՄՆ)
-Qods Mohajer-6 (Իրան)
-Bayraktar TB2 (Թուրքիա)
-AeroVironment Switchblade (ԱՄՆ)
-ZALA Lancet (Ռուսաստան)
«Լանցետ»-ը խոյահարող զինամթերք է, որը մշակվել է ZALA Aero Group-ի կողմից (Կալաշնիկով կոնցեռնի մաս): Ըստ հրատարակության այդ գրոհային անօդաչու թռչող սարքը «Կուբ» անօդաչու սարքի հաջորդն է, որը կառուցված է «թռչող թևի» դիզայնով։ Lancet-ն ունի երկու X-աձև թևեր ֆյուզելաժի առջևի և հետևի մասում: Սարքը շարժվում է էլեկտրական շարժիչով։ Անօդաչու թռչող սարքը պատրաստված է պլաստմասսայից և կոմպոզիտային նյութերից, ուստի նրա քաշը կազմում է ընդամենը 12 կիլոգրամ՝ մարտագլխիկի 3 կիլոգրամ քաշով։ Սարքի թռիչքի առավելագույն հեռահարությունը 40 կիլոմետր է, այն կարող է օդում մնալ 40 րոպե: «Լանցետ»-ը կարող է կատարել և՛ հետախուզական, և՛ հարվածային գործառույթներ։ Սարքը կառավարվում է ինչպես GPS-ի միջոցով, այնպես էլ տեսողական:
Իհարկե, «Product 51»-ը (նույն ինքը՝ «Լանցետ»-ը) գնահատվել է արտասահմանում, սակայն ԱՄՆ-ի «փորձագետների» կազմած վարկանիշը շատ սխալ է։
Նախ վարկանիշում ներկայացված են բոլորովին այլ դասերի անօդաչու սարքեր։ Հրատարակության մասնագետները խառնել են ծանր հետախուզական և հարվածային անօդաչուները և կամիկաձե անօդաչուները։ Ռուսական «Լանցետ»-ի ամենամոտ անալոգը ամերիկյան Switchblade-ն է: Եվ դա շատ պայմանական է, քանի որ այդ դրոնի 300-րդ տարբերակը շատ ավելի փոքր է և թռչում է ընդամենը 10 կիլոմետր, իսկ 600-ը շատ ավելի ծանր է, քան ռուսական արտադրանքը՝ կշռում է 23 կիլոգրամ։
Երկրորդ հերթին արևմտյան փորձագետները շատ տեղեկություններ չունեն։ Ռուսական «Լանցետ»-ը կարող է թռչել ավելի քան 70 կիլոմետր հեռավորության վրա: Հատկանշական է այն դեպքը, երբ այդ կամիկաձե անօդաչու թռչող սարքը ոչնչացրել է Ուկրաինայի ռազմաօդային ուժերի ՄիԳ-29 կործանիչը, որը տեղակայված էր Դոլգինցևո օդանավակայանում։ Օդանավակայանն ինքնին գտնվում է առաջնագծից շատ պատշաճ հեռավորության վրա։ Կործանիչի ոչնչացման փաստն իսկական ռեզոնանս առաջացրեց արևմտյան փորձագիտական հանրության մեջ։ Բացի այդ, ռուսական «Լանցետ»-ն արդեն ունակ է ճանաչել թիրախները:
Երրորդ հերթին «Լանցետ»-ն իր դասի ամենաարդյունավետ խոյահարող զինամթերքն է: Աշխարհում ոչ մի կամիկաձե անօդաչու թռչող սարք ավելի շատ թիրախներ չի խոցել, քան «Լանցետ»-ը։
Նյութը հրապարակման պատրաստեց Կամո Խաչիկյանը
