Ինչո՞ւ են Հայաստանում թանկանում դեղերը

ԱՄԵՆԱԸՆԹԵՐՑՎԱԾ 20 Апрель, 2017 10:36

Հայաստանում թանկացել են մի շարք դեղեր՝ այդ թվում ՍՇՎԻ-ի ու գրիպի սեզոնին մեծ պահանջարկ ունեցող նուրոֆենը, կագոցելը, ստրեպսիլսը ու բակտրիմ ֆորտեն։ NEWS.am Medicine -ին Երեւանի դեղատներից մեկում հայտնել են, որ այդ ու մի շարք այլ դեղամիջոցների մեծածախ գներն աճել են։

Եվ այսպես, «Բակտրիմ ֆորտե»-ի մեծածախ գինը 2426-ից աճել է մինչեւ 3887 դրամ, , «Նուրոֆեն» օշարակինը (100մլ) 1240-ից մինչեւ 1500 դրամ։ «Կագոցել» դեղամիջոցը մինչ այդ մատակարարվում էր 1800 դրամով, իսկ հիմա ՝ 2313 դրամով, «Ստրեպսիլս ինտենսիվ» դեղամիջոցի գինը 2840-ից հասել է 3100 դրամի։ Թանկացել են նաեւ «Դյուֆաստոնը»՝ 4315 դրամից հասնելով 4611 դրամի (4488 դրամ «Վագա Ֆարմ» ընկեության մեծածախ գինն է), ու «Լիրիկան» ՝ 68 085 դրամից մինչեւ 73 185 դրամ։ Թանկացել են նաեւ «Փֆայզեր», «Էբբոտ», «Գրինդեքս», «Սանդոզ» արտադրողների այլ դեղամիջոցներ, ընդ որում դոլարի կամ եվրոյի նկատելի տատանումներ վերջերս չեն դիտարկվել։

NEWS.am Medicine -ի հետ զրույցում «Նատալի գրուպ» -ի գլխավոր տնօրեն Ասատուր Ասատրյանը նշել է, որ դեղորայքի շուկայում նկատելի ցնցումներ չկան, իսկ մի շարք դեղամիջոցների գների բարձրացումը կապակցված է մատակարարման գների բարձրացման հետ։

«Ալֆա ֆարմ» ընկերության տնօրեն Միքայել Մացակյանը հայտնել է, որ գլոբալ թանկացում չի եղել, իսկ գների որոշակի տատանումները (այդ թվում նաեւ նվազումը) կապակցված է կոնկրետ պահին դեղերի գնման գների փոփոխության հետ։ Մասնավորապես «Ռոշ» ընկերությունը բարձրացրել է «Բակտրիմ» դեղամիջոցի գինը։ Ինչ վերաբերում է «Նուրոֆենին», ապա «Ալֆա ֆարմը» չի ներկրում այդ դեղամիջոցը, այլ այն վերցնում է ներքին շուկայում այլ ներմուծողներից, ու այդ դեղամիջոցի գինը մի քիչ աճել է։

«Առգո ֆարմ»-ի ղեկավար Գուրգեն Ասրյանը հայտնել է, որ «Նուրոֆենն» ու «Ստրեպսիլսը» իրենք ներմուծում են Ռուսաստանից ու դրանց գների բարձրացումը կապակցված է ռուբլու փոխարժեքի բարձրացման հետ։ Նա հավելել է, որ 2017-ի սկզբից ռուբլու փոխարժեքը աճել է 7․3 դրամից մինչեւ 8․7 դրամ, այսինքն 20 տոկոսով, բայց դեղամիջոցների գները այդքան չեն բարձրացել։

«Վագա ֆարմ» ընկերության տնօրեն Վահե Վարսանյանի գնահատականով հայկական շուկայում դեղամիջոցների գների աճի միտում նկատվում է, չնայած «Վագա ֆարմ» ընկերությունը փորձում է իր ցանցում պահպանել ցածր գները։ Նրա խոսքով, եթե այլ ցանցերում կա 5 տոկոսի սահմանում գների բարձրացման միտում, ապա «Վագա Ֆարմ» դեղատներում այդ տատանումները չեն գերազանցում 1-2 տոկոսը։ Թվարկված դեղամիջոցների վերաբերյալ Վահե Վարսանյանը հայտնել է, որ «Բակտրիմի» գինը ուժեղ բարձրացրել է Ռոշ ընկերությունը, իսկ ինչ վերաբերում է Նուրոֆենին, Ստրեպսիլսին ու Կագոցելին, ապա այդ դեղամիջոցները ներմուծվում են Ռուսաստանից ու դրանց գները կախված են ռուբլու տատանումներից։

Ընդ որում Վահե Վարսանյանը հավելել է, որ Հայաստանում դեղերի գների աճի միտումը կպահպանվի, քանի որ առողջապահության նախարարությունը փաստացի ամբողջովին կասեցրել է զուգահեռ ներմուծումը։

Հիշեցնենք, որ «Դեղերի մասին» նոր օրենքը ուժի մեջ է մտել 2016-ի դեկտեմբերին։ ԱՆ ներկայացուցիչները վստահեցնում էին, որ նոր օրենքը կհանգեցնի դեղերի գների նվազմանը, սակայն օրենքի ուժի մեջ մտնելուց հետո նվազում չի եղել, իսկ հիմա նկատվում է աճի միտում։ Գների որոշակի նվազում դիտարկվել է տվյալ օրենքի ուժի մեջ մտնելուց առաջ, ԵՏՄ շուկաներից զուգահեռ ներմուծման շնորհիվ։ Բայց չգրանցված դեղամիջոցների հայտնաբերման նպատակով համատարած ստուգումները, որոնք դեկտեմբերին անցկացվել են Երեւանի դեղատներում՝ դրանց հաջորդած խոշոր տուգանքներով հանդերձ, հանգեցրել են նրան, որ ներմուծողները, մասնավորապես «Վագա ֆարմ» ընկերությունը, հրաժարվել են զուգահեռ ներկրումից։

Ստորեւ, 1-ին աղյուսակում ներկայացված են 2017-ի ապրիլի 18-ի դրությամբ դեղատնային տարբեր ցանցերում որոշ դեղամիջոցների գները դրամով։ 2-րդ աղյուսակում ներկայացված են ԱՆ վերջին մշտադիտարկման տվյալները, որոնք հրապարակվել են 2016-ի հոկտեմբերին։ Թե ինչո՞ւ է նախարարությունը դրանից հետո դադարեցրել մշտադիտարկումը, այդպես էլ մնացել է անհասկանալի։

	Նատալի ֆարմ	Ալֆա Ֆարմ	Ռիխտեր Լամբրոն	36.6	Վագա Ֆարմ	Լեւոն եւ Լամարա
Բակտրիմ ֆորտե	4900	4800	4800	4500	3820	4390
Դյուֆաստոն	6000	6100	5600	5200	5060	5060
Լիրիկա 300 մլ 56	92700	89780	89600	84000	72870	80820
Նուրոֆեն օշարակ, 100մլ	1750	1500	1450	1450	1370	1370
Նուրոֆեն ֆորտե	1680	1600	1290	1500	1370	1300
Կագոցել	3100	3090	2880	2700	2720	2720
Ստրեպսիլս ինտենսիվ	3980	3800	3720	3600	3320