«Համահայկական ճակատ» շարժումը փաստեր է հավաքում Նիկոլ Փաշինյանի դավաճանության մասին
ՔԱՂԱՔԱԿԱՆՈՒԹՅՈՒՆ
«Համահայկական ճակատ» շարժման առաջնորդ Արշակ Կարապետյանն այսօր կոչ է հրապարակել, որն ամբողջության ներկայացնում ենք ստորև։
«Լեմկինի ինստիտուտ հայտնի ոչ կառավարական կազմակերպությունը, որը մասնագիտացված է էթնիկ զտումների և ցեղասպանությունների ուսումնասիրման, նախազգուշացման և կանխարգելման գործում, Հայաստանի ղեկավարության պատշաճ արձագանքի բացակայության պայմաններում, դիմել է «Համահայկական ճակատ» շարժմանը՝ մինչև 2024 թվականի մարտի 22-ը Ադրբեջանի կողմից Արցախի բնակչության դեմ կատարած հանցագործությունների ցանկը նախապատրաստելու խնդրանքով:
2022 թվականին այս կազմակերպությունը հրապարակային ակցիաներ է անցկացրել՝ Արցախի բնակչությանը Ադրբեջանի կողմից «ցեղասպանական շրջափակումից» պաշտպանելու համար։ 2023 թվականին նա համապատասխան կոչերով դիմել է ԱՄՆ-ի, Ֆրանսիայի և Եվրամիության ղեկավարներին։ Լայն արձագանք է գտել 2023 թվականի սեպտեմբերի 5-ին ինստիտուտի կողմից հրապարակված «Արցախի Հանրապետությունում ռիսկի գործոնները և հանցագործության (ցեղասպանության) ցուցիչները. Լեռնային Ղարաբաղի հակամարտության ժամանակ տեղի ունեցած վայրագությունների նկատմամբ ՄԱԿ-ի համակարգային վերլուծության կիրառում» հաշվետվությունը: Կազմակերպության հաջորդ փաստաթուղթը՝ «Կարմիր դրոշի ահազանգը», հրապարակվել է 2024 թվականի փետրվարի 22-ին, որը վերաբերում Բաքվի գործողություններին։
Լեմկինի ինստիտուտի նման ամփոփագիրը թույլ է տալիս ենթադրելու իր մասնագետների կողմից իրավիճակի օբյեկտիվ վերլուծություն և գնահատում, և գլխավորը՝ հնարավորություն է տալիս միջազգային հանրության ուշադրությունը հրավիրել արցախցիների և ողջ հայ ժողովրդի խնդիրների վրա։
Կարծում եմ, որ նրանց պարզապես սովորական փաստաթղթեր ուղարկելը, որտեղ թվարկվում են Բաքվի վայրագությունները, որոնք արդեն շատ անգամ են փոխանցվել եվրոպական իրավապաշտպան կառույցներին, բավարար չեն։ Անհրաժեշտ է պատրաստել լայն ակնարկ՝ արտացոլելով ոչ միայն տեղի ունեցած և այսօր կատարվող սարսափելի իրական պատկերը, այլև դրանում բերել հիմնավոր ապացույցներ Ադրբեջանի վարչակարգին Թուրքիայի կողմից աջակցության մասին, ինչպես նաև վկայակոչել փաստեր Հայաստանի իշխանությունների և անձամբ սեփական ժողովրդի ցեղասպանության մեղսակից Նիկոլ Փաշինյանի դավաճանության մասին:
Դրա համար մենք ձեր օգնության կարիքն ունենք:
Եղբայրնե’ր և քույրե’ր, թանկագի՛ն հայեր.
Հորդորում և խնդրում եմ Ձեզ՝ «Համահայկական ճակատ» շարժման կողմնակցնե՛ր և համակիրնե՛ր, իրական ընդդիմադիր բոլոր ուժե՛ր. մեր Շարժման հարթակում մշակել միասնական փաստաթուղթ՝ «Ժողովրդի հիշողությունը և նրա դավաճանները» վերնագրով, Լեմկինի ինստիտուտ ուղարկելու համար։ «Համահայկական ճակատ» շարժման հասցեին ուղարկեք հայերի և՛ պատմական, կրոնական ու մշակութային հուշարձանների դեմ կատարված հանցագործությունների բոլոր շատ և քիչ հայտնի փաստերը, և՛ հնարավորության դեպքում հաստատել ֆոտո և վիդեո նյութերով։ Համոզիչ փաստարկ նախապատրաստելու համար կարևոր են ձեր վերլուծական եզրակացությունները, որոնք ձեր կարծիքով հիմնավորում կամ ապացուցում են, Հայաստանի իշխանությունների կողմից Հանրապետության Սահմանադրության և օրենքների խախտումները, մեր ժողովրդի օրինական իրավունքների և պահանջների ոտնահարումը:
Ձեր յուրաքանչյուր դիմումն ու կարծիքը հաշվի կառնվի «Հայ ժողովրդի դավաճանության և ցեղասպանության վկայություններ»-ի նախապատրաստման ժամանակ։ Անկեղծորեն ապավինում եմ մեր Հայրենիքի և նրա ապագայի նկատմամբ ձեր հոգատար և ոչ անտարբեր վերաբերմունքին»:
