Նոր քաոս Ռուսաստանի սահմանների տակ
ՎԵՐԼՈՒԾՈՒԹՅՈՒՆՆԵՐ
Tsargrad.tv-ն գրում է, որ Ռուսաստանի սամանին առավոտյան լռությունը խախտվել է կրակոցներով. սկսվել է Բաքվի և Երևանի միջև հակամարտության նոր սրումը։ Հայաստանի պաշտպանության նախարարությունը հայտարարել է Ադրբեջանի կողմից սահմանը գնդակոծելու մասին, հայ զինծառայողների մեջ կան զոհեր և վիրավորներ։
Ադրբեջանի պետական սահմանային ծառայությունն իր հերթին հայտնել է Հայաստանի զինված ուժերի կողմից հրետակոծության մասին։ Ըստ նրանց գնդակոծվել են հանրապետության սահմանապահ զորքերի դիրքերը, վիրավորվել է մեկ զինծառայող։
Նրանք նաև պարզաբանել են, որ ադրբեջանական սահմանապահ զորքերը «հատուցման գործողություն» են իրականացրել ի պատասխան հայկական զինված ուժերի գործողությունների։ Հաստատվել է սահմանին հայկական մարտական հենակետի ոչնչացումը: Բացի դա Հայաստանի պաշտպանության նախարարությունը հերքել է Բաքվի տեղեկությունն այն մասին, որ հայ զինվորականները փետրվարի 12-ին կրակ են բացել։
Մի թե՞ Փաշինյանը պատրաստվում է ռևանշի:
Թվում էր, թե 2023 թվականին հարցը վերջնականապես կարգավորվեց. Բաքուն տիրեց Լեռնային Ղարաբաղին, և կողմերը համաձայնեցին հակամարտության դիվանագիտական կարգավորմանը։ Ռուսաստանում խորը շունչ քաշեցին, քանի որ հետխորհրդային տարածքում անորոշության մեկ կետ պակասեց։ Բայց դա այդպես չէ։ Անցյալ տարի Հայաստանի վարչապետ Նիկոլ Փաշինյանն ակտիվ շփումներ սկսեց Ֆրանսիայի հետ։ Այս երկիրը երկարաժամկետ տնտեսական կապեր ունի Անդրկովկասյան այդ հանրապետության հետ, մեծ թվով հայկական սփյուռք է ապրում Ֆրանսիայում։ Միաժամանակ Փաշինյանը սկսեց հրաժարվել ՀԱՊԿ նիստերին և զորավարժություններին մասնակցելուց։ Երևանը սկսեց դուրս գալ Մոսկվայի ազդեցության ուղեծրից և որոշեց վարժանքներ անցկացնել ֆրանսիացիների հետ։
Եվ այսպես, ինչպես հաղորդում է «Ապագայի պատկերը» հեռագրային ալիքը, Փաշինյանը կարող է սկսել նախապատրաստվել նոր պատերազմի։ Նրան հետաքրքրում է Զանգեզուրի միջանցքը: Ըստ հեռագրային աղբյուրի հունվարի 15-ից Հայաստանի բոլոր զորամասերում, ինչպես նաև հատուկ նշանակության ջոկատներում թաքնված զորավարժություններ են սկսվել։ Սևանա լճի տարածաշրջան պահեստներից սկսել են զենք տեղափոխել, սահմանամերձ քաղաքներում զորախմբերն ուժեղացվել են։ Սպառազինության շարժման մեծ մասը տեղի է ունենում գիշերը: «Ապագայի պատկերը» նշում է, որ Երևանը, հարևանների կողմից հարցերի դեպքում, պատրաստվում է բացատրել իր գործողությունները Ֆրանսիայի հետ վարժանքներին նախապատրաստությամբ։ Այդ երկրի ներկայացուցիչներն արդեն ժամանել են Երևան զորավարժությունները համակարգելու համար։ Բացի այդ, հայկական բանակը պատրաստում է ֆրանսիացիների կողմից անհրաժեշտ օգնության։
Նշենք, որ բոլորովին էլ փաստ չէ, որ Երևանն իսկապես պատրաստվում է նոր ռազմական գործողությունների Ադրբեջանի դեմ։ Սակայն երկրում տիրող քաղաքական իրավիճակը, Փաշինյանի վարկանիշի անկումը պահանջում է կառավարությունից տարբեր որոշումներ կայացնել։
Իսկ կլինի՞ նոր պատերազմ:
Քաղաքական դիտորդ Անդրեյ Պերլան tsargrad.tv-ին ասել է, որ խոսքը ոչ մի հանկարծակի նոր պատերազմի մասին չէ։ Ադրբեջանի նախագահ Իլհամ Ալիևը վերջերս հաղթականորեն վերընտրվեց նախագահի պաշտոնում։ Նա իր տեղը գտել է իր երկրի պատմության մեջ որպես «հողեր հավաքող», հիշեցրել է դիտորդը, եվ հիմա, որքան էլ տարօրինակ հնչի, Ալիևը երկու խնդիր ունի, նախ, դուք պետք է խուսափեք շատ աչքի ընկնելուց, բայց չկորցնեք հաղթանակի բոնուսները, ապա թույլ չտաք, որ մոռանան հաղթանակի մասին։
«Քանի որ Հայաստանը ոչ մի տեղ էլ չունի գնալու ու չի կորչելու, նրան կստիպեն նման դրվագների աղբյուր դառնալ... Համենայնդեպս այնքան ժամանակ, քանի դեռ Ռուսաստանը ժամանակ ու ուժ չի գտնի հայացքն ուղղելու դեպի հարավ և այնտեղ կարգուկանոն հաստատի։ Բայց քանի դեռ Հատուկ ռազմական գործողությունը շարունակվում է, դրա համար հույս դնել պետք չէ»,- ամփոփել է Անդրեյ Պերլան:
Թուրք քաղաքագետ Մեհմեդ Փերինչեքն իր հերթին կարծում է, որ նոր դարաշրջան է սկսվել։ Իսկ նոր դարաշրջանում հնարավորություն կա ապահովելու տարածաշրջանում լիարժեք խաղաղություն և կայունացում։ «Հիմա էլ շատ մեծ հնարավորություն կա Անդրկովկասում տնտեսական և սոցիալական ինտեգրում ապահովելու համար։ Բայց այս նոր ժամանակաշրջանը, իհարկե, կանխեց արևմուտքի միջամտությունը տարածաշրջանում, քանի որ տարածաշրջանի երկրներն Արևմուտքից հեռացրին միջամտության գործիքները։ Իսկ Արևմուտքին անհրաժեշտ են նոր պատերազմներ, նոր քաոս՝ տարածաշրջանային գործերին միջամտելու համար,- վստահ է փորձագետը,- այդ իսկ պատճառով նրանք (արևմտյան երկրները) պարբերաբար փորձում են Հայաստանին սադրել տարածաշրջանի երկրների դեմ։ Ոչ միայն Ադրբեջանի և Թուրքիայի դեմ, Արևմուտքը ցանկանում է Հայաստանին օգտագործել Ռուսաստանի դեմ։ Ե՛վ Ռուսաստանը, և՛ Թուրքիան շրջապատելու համար Արևմուտքին կամուրջներ են պետք: Եվ այդ նպատակով նրանք ուզում են Հայաստանն օգտագործել Մոսկվայի, Անկարայի, Բաքվի և այլնի դեմ»։
Քաղաքագետը հիշեցրել է, որ «Երեք գումարած երեք» հարթակը ստեղծվել է տարածաշրջանի խնդիրները լուծելու համար, և այդ հարթակը կարող է Հայաստանին Արևմուտքի գրկից դուրս բերել։ «Այդ գործընթացը մեծապես խանգարում է Հարավային Կովկասի արևմտյան մայրաքաղաքների ծրագրերին։ Նրանք չեն ցանկանում կորցնել Հայաստանը որպես գործիք տարածաշրջանային այն երկրների դեմ, որոնք ունեն հզոր բանակ, հզոր տնտեսական ներուժ և պետականության ավանդույթներ, ինչպես Ռուսաստանը, Թուրքիան և Իրանը։ Սրա պատճառով էլ նրանք հաճախ հրահրում են Երևանին Բաքվի, Ռուսաստանի, Թուրքիայի դեմ նոր քաոս ստեղծելու և նորից միջամտության գործիք ստանալու համար»,- ասել է նա:
Նյութը հրապարակման պատրաստեց Կամո Խաչիկյանը
