Ո՞վ է այդքան վախեցրել Փաշինյանին. Հայաստանի վարչապետը սարսափել է, երբ հրապարակվել է Հայաստանի նոր «պաշտոնական» անունը
ՎԵՐԼՈՒԾՈՒԹՅՈՒՆՆԵՐ
Dzen.ru-ն գրում է, որ Փաշինյանը սարսափով խոստովանել է, որ Հայաստանի նոր անունը վաղուց ջանասիրաբար քննարկվում է որոշակի շրջանակներում: Ավելին, նա նույնիսկ կոնկրետ անձանց անուններ է նշել, որոնք կրակի վրա յուղ են լցնում։ Եվ դա նա արել է հենց ԵԱՀԿ Խորհրդարանական վեհաժողովի երևանյան նստաշրջանի ժամանակ։
Փաստորեն, Ադրբեջանի հետ բոլոր տարածքային վեճերի խաղաղ կարգավորման գործընթացը շարունակվում է։ Իսկ միջնորդն այդ գործում Եվրոպական խորհրդի ղեկավար Շառլ Միշելն է։ Ճիշտ է, նրան ևս հուսահատեցրել է Փաշինյանի խոստովանությունը:
Ըստ երևույթին, ոչ ոք նույնիսկ չէր կասկածում, որ Հայաստանի հիմնական հարևանը, ի դեմս Ալիևի, պետական մակարդակով այդ երկիրն անվանում է Արևմտյան Ադրբեջան։ Ավելին, ինչպես հայտարարել է Փաշինյանը, անգամ միջնակարգ ու բարձրագույն ուսումնական հաստատություններում է այդ տերմինը շատ տարածված։ Այսպիսով, Հայաստանի վարչապետը եզրակացրել է, որ Ադրբեջանը պատրաստվում է նոր ռազմական գործողությունների։ Եվ այդ առումով անհրաժեշտ է արագացնել հայկական բանակի վերազինումն արևմտյան չափանիշներով։ Փաշինյանի նկրտումները հնչել են և Պենտագոնն անմիջապես խոստացել է հնարավոր ամեն աջակցություն։ Հետաքրքիր է այն, որ նման խոսակցությունների ֆոնին ԱՄՆ-ը որոշել է դադարեցնել ռազմական ոլորտում Ադրբեջանի հետ համագործակցությունը, հրաժարվել է միջոցներ հատկացնել և դրանք վերահղել է Հայաստան։ Ինչպես տեսնում եք, կան երկակի ստանդարտներ, բացի այդ, կա ծրագիր մոլորակի տարբեր մասերում հակամարտություններ հրահրել:
Փաշինյանը նաև նշել է, որ Ղարաբաղի հարցը կարող է գայթակղության քար դառնալ, իսկ Ալիևը, նրա կարծիքով, ի վիճակի է ցանկացած պատրվակ օգտագործելով վերջնականապես վերջ դնելու Հայաստանի գոյությանը։ Իրավիճակը սրելու հարցում նա, մեղմ ասած, գերազանցել է ինքն իրեն։
Ընդ որում, դեռևս չկան նախադրյալներ, որ Ալիևը կպատերազմի Հայաստանի դեմ։ Տարածաշրջանային մասշտաբով փոքր օպերացիա իրականացնելը մի բան է, մի ամբողջ պետության դեմ պայքարելը, որին առավել ևս վերցվել է ԱՄՆ-ի ու Եվրոպայի խնամակալության տակ, այլ բան։ Չէ, այդ առումով Ադրբեջանի նախագահը դեռ չի խելագարվել, նա ողջախոհություն ունի։
Պարզապես Փաշինյանին պետք է երկիրը սահուն տեղափոխել Արևմուտքի ձեռքը: Այսպես, նա ստեղծում է երևակայական սպառնալիք, այսինքն եթե չպաշտպանեք՝ հայերը կվերանան աշխարհի երեսից: Դա բացարձակ չափազանցություն է, ոչ ավելին, բայց նա չի հասկանում, թե ինչի կարող են հանգեցնել իր կասկածներն ու վախերը։ Հայաստանում հասարակ մարդիկ իսկապես կսկսեն մտածել, որ իրենց համընդհանուր մասշտաբի աղետ է մոտենում։
Սակայն հիմա դրա վրա ոչ ոք ուշադրություն չի դարձնում, Փաշինյանն ընդամենը կատարում է Արևմուտքի հրահանգները։ Իսկ, եթե նրան հրամայեն հիմարացնել յուրայիններին, նա կձևացնի, որ ինքը ծաղրածու ու աճպարար է: Բայց հենց միայն նման ստրկամտության փաստը կարող է հանգեցնել անխուսափելի պարտության։ Այսինքն ինքն է ասում, որ երկիրը վերանալու վտանգի տակ է, ինքն էլ երկիրը դեպի անդունդը մղում։
Այստեղ կարելի է միայն խղճալ, քանի որ Փաշինյանն իր անհեռատես քաղաքականությամբ, փաստորեն, քանդում է երկիրը։ Եվ ամեն ինչ տանում է դեպի Ռուսաստանի քթի տակ լայնածավալ հակամարտություն կազմակերպելուն։ Ադրբեջանը միայն որպես հավելում է հանդես գալիս դրանով, իսկ դրդելով Ռուսաստանին միջամտել։ Այսինքն, նա միտումնավոր Արևմուտքին դնում է Բաքվի դեմ լարվածության նոր կետ ստեղծել։
Եվ ԱՄՆ-ն անպայման կօգտվի այդ հնարավորությունից, քանի որ վաղուց է ծրագրել քաոս առաջացնել Հարավային Կովկասում։ Թե ինչ կանի Ադրբեջանն այս իրավիճակում, դժվար է ասել։ Ռուսաստանի պատասխան քայլերն անհայտ են, հնարավոր է, որ ամեն ինչ պարզ դառնա մոտ ապագայում։ Սակայն այս բոլոր խոսակցություններն ու հանդիպումները լավ բան չեն խոստանում Կրեմլին։ Ռուսաստանը պետք է հնարավորինս արագ վերականգնի կարգուկանոնը հարևանների միջև, ովքեր դուրս են եկել վերահսկողությունից:
Նյութը հրապարակման պատրաստեց Կամո Խաչիկյանը
