Փորձագետը բացատրել է, թե ինչու է Հայաստանը ակնարկում ռուսական ռազմաբազաների փակման մասին
ՎԵՐԼՈՒԾՈՒԹՅՈՒՆՆԵՐ
News.ru-ն գրում է, որ վարչապետ Նիկոլ Փաշինյանը հերքել է Հայաստանում ռուս խաղաղապահների ներկայության անհրաժեշտությունը հանուն իր քաղաքական գոյատևման, NEWS.ru-ի հետ զրույցում ասել է քաղաքագետ Ալեքսեյ Նաումովը։ Միաժամանակ, նրա կարծիքով, դժվար թե բանը հասնի ռուսական ռազմակայանի փակմանը։
Փորձագետը կարծում է, որ Ռուսաստանին Արևմուտքում որպես անվտանգության երաշխավոր փոխարինելու Երևանի փորձերը կառաջացնեն մյուս բոլոր ազդեցիկ խաղացողների՝ ոչ միայն Ռուսաստանի, այլ նաև Ադրբեջանի և Թուրքիայի հակազդեցությունը։
«Հայաստանն այլընտրանք չունի, քանի որ ռուսական ռազմաբազայից հրաժարվելը զգալիորեն կնվազեցնի նրա անվտանգության մակարդակը։ Հետևաբար, ես չեմ կարծում, որ ռուս զինվորականներն իրականում ստիպված կլինեն լքել այդ երկիրը։ Ի վերջո, ակնհայտ է, որ Հայաստանը դեռևս չի կարող դառնալ Արևմուտքի հենակետը Հարավային Կովկասում»,- ասել է Նաումովը։
Քաղաքագետի կարծիքով Փաշինյանը, ամեն դեպքում, պարտվողական ռազմավարություն է ընտրել, բայց դա, այնուամենայնիվ, թույլ է տալիս նրան պահել իշխանությունը։
«Այդ ռազմավարությունը գոհացուցիչ է նաև հայ հասարակության համար, որին նույնպես շահում է սեփական խնդիրները ժխտելն ու դրանք Ռուսաստանի վրա գցելը», - եզրափակել է Նաումովը:
Հիշեցնենք, որ հոկտեմբերի 25-ին վարչապետ Նիկոլ Փաշինյանը Wall Street Journal-ին տված հարցազրույցում ասել է, որ Հայաստանի տարածքում ռուսական ռազմակայանների առկայությունը որևէ առավելություն չի տալիս։ Նա նշել է, որ Երևանը փնտրում է նոր գործընկերներ, քանի որ Մոսկվան «չի կատարել իր դաշնակցային պարտավորությունները»։ Փաշինյանն ընդգծել է, որ Ղարաբաղում տեղի ունեցած վերջին իրադարձությունները Երևանին բերել են անվտանգության հարաբերությունները դիվերսիֆիկացնելու որոշման։
ՌԴ նախագահի մամուլի քարտուղար Դմիտրի Պեսկովը հայտարարել է, որ Կրեմլը դեռ ոչինչ չգիտի Հայաստանի վարչապետ Նիկոլ Փաշինյանի հայտարարության մասին։ Նա հավելել է, որ Մոսկվան չի կարող հաստատել, թե Փաշինյանը դա ասել է, թե ոչ։ Ինչպես գիտենք, Հայաստանում տեղակայված են 102-րդ ռուսական ռազմակայանը (Գյումրիում), ինչպես նաև ՌԴ ԱԴԾ սահմանային ծառայության ստորաբաժանումները։
Նյութը հրապարակման պատրաստեց Կամո Խաչիկյանը
