«Փաշինյանը երկրորդ Զելենսկին է. Հայաստանը գնում է Ուկրաինայի ճանապարհով»
ՎԵՐԼՈՒԾՈՒԹՅՈՒՆՆԵՐ
Svpressa.ru-ն գրում է, որ ներկա աշխարհաքաղաքական իրավիճակում Փաշինյանի կտրուկ և հաճախակի դարձած հարձակումները Մոսկվայի դեմ արդյո՞ք նշանակում է, որ Հայաստանը ցանկանում է խզել հարաբերությունները Ռուսաստանի հետ և գործարկել ԵՄ անդամակցության մեխանիզմ։ «Svpressa»-ն փորձել է պարզել դա հարցեր ուղղելով փորձագետներին:
-Վերջին շրջանում Փաշինյանն իսկապես շատ է խոսում ոչ Ռուսաստանի օգտին։ Դե, դրա համար էլ 2018-ին Հայաստանում տեղի ունեցած հեղաշրջման ժամանակ ամերիկացիները նրան բերեցին իշխանության, որպեսզի նա երկիրը դուրս բերի ռուսամետ և եվրասիական ուրվագիծից, - հիշեցրել է Ժամանակակից պետական զարգացման ինստիտուտի տնօրեն Դմիտրի Սոլոննիկովը,— նման պայմանագիր է կնքվել նրա հետ, որը մշակվել է ամերիկյան քաղաքական ստրատեգների կողմից։ Այս տարիների ընթացքում ֆինանսավորումը եկել է հայկական հողի վրա գտնվող ամերիկյան հասարակական կազմակերպությունների միջոցով: Նրանք շատ լավ են աշխատել Փաշինյանի հետ ստեղծելով մի կերպար, որը մոտ է մարդկանց՝ խակի գույնի շապիկով ձեռքերը վիրակապած մորուքով անհատ: Չնայած հեղաշրջման ժամանակ նրա ձեռքին բան չէր եղել, իսկ զինվորական համազգեստի հետ էլ ընդհանրապես կապ չի ունեցել։ Մինչ այդ նա կրում էր միայն քաղաքացիական կոստյում, սպիտակ վերնաշապիկ և փողկապ։ Դա ձեզ չի՞ հիշեցնում ինչ որ մեկին:
«Svpressa».- Իհարկե, Զելենսկին:
-Այո, նույն տեխնոլոգիան է: Եվ, հնարավոր է, նույն ճակատագիր երկուսի համար։ Միակ տարբերությունն այն է, որ Ուկրաինայի մշակումը պահանջել է երկու տասնամյակ, մինչդեռ Հայաստանում հինգ տարի։ Երբ իշխանության եկավ ներկայիս վարչապետը, երկրի բնակչության 80%-ը ռուսամետ էր։ Եթե նա այդ ժամանակ սկսեր Ռուսաստանի դեմ արտահայտվել, մարդիկ պարզապես չէին համաձայնվի։ Ուստի նա մինչև վերջերս առանձնապես չէր հայտարարում հայկական տարածքը ամերիկյան անկլավի վերածելու Վաշինգտոնի կողմից իրեն տրված առաջադրանքի մասին։ Լավ աշխատեց, կատարեց ցուցումները, հաջողությամբ լվաց իր հայրենակիցների ուղեղները։ Այդ 80%-ից հիմա լավ է, եթե մնացած լինի մեկ երրորդը...
«Svpressa».- Նման իրավիճակում այնքան էլ պարզ չէ, թե ինչո՞ւ է նա իր ամպագոռգոռ հայտարարություններից հետո անընդհատ արդարանում Կրեմլի առաջ։
-Նրա խնդիրն է անդամակցել ՆԱՏՕ-ին։ Դրա համար անհրաժեշտ է արտաքին ռազմաքաղաքական հովանոց։ Եթե նա հիմա դուրս գա ՀԱՊԿ-ից, Ադրբեջանն արագ և արդյունավետ կերպով կլուծի իր բոլոր հարցերը, մասնավորապես, Ղարաբաղի հետ։ Դա առաջին հերթին։ Երկրորդ հերթին նա պետք է նախ փոխակերպի իր զինված ուժերը ըստ ՆԱՏՕ-ի չափանիշների, և միայն դրանից հետո կստորագրվի ՆԱՏՕ-ին անդամակցելու և Հայաստանում դաշինքի բազաներ ստեղծելու մասին պայմանագրեր։ Դրանից հետո նա վերջնականապես կխզի կապերը Ռուսաստանի հետ և դուրս կգա ՀԱՊԿ-ից։ Միայն ՀԱՊԿ-ն է ներկայումս պաշտպանում նրան հերթական ռազմական պարտությունից։
«Svpressa».- Այդ դեպքում, ըստ ամենայնի, հարցը պետք է ուղղել Ռուսաստանի իշխանություններինն. «Միթե՞ թույլ է տրվելու կորցնել Հայաստանը»:
- Մեր կառավարությունը ներկայումս զբաղված է այլ կարևոր խնդիրներով։
«Svpressa».- Այդ հանրապետությունում կա՞ն առողջ ուժեր, որոնք հասկանում են, թե ԱՄՆ-ն ու ԵՄ-ն ուր են տանում իրենց։
- Ցավոք, նրանք տանում են ուկրաինական ճանապարհով։ Այսօրվա Ուկրաինան վաղվա Հայաստանն է... Ինչ վերաբերում է խելամիտ քաղաքական գործիչներին, իհարկե, նրանք կան, բայց մոտ ապագայում նրանք դժվար թե իշխանության գան։
Թեման շարունակել է քաղաքագետ, հրապարակախոս, «Օսնովանիե» գիտական հետազոտությունների աջակցության և քաղաքացիական նախաձեռնությունների զարգացման հիմնադրամի հիմնադիր և նախագահ Ալեքսեյ Անպիլոգովը։
«Svpressa».- Ինչպե՞ս եք տեսնում իրադարձությունների զարգացումը Հայաստանում, որը գնալով ավելի է կտրվում Ռուսաստանից։
-Քանի դեռ մեր երեք հազար սվիններից կազմված ռազմական բրիգադը տեղակայված է Գյումրիում, ներկայիս ստատուս քվոն կպահպանվի։
«Svpressa».- ՆԱՏՕ-ի հետ հայ զինվորականների համատեղ զորավարժությունները արդյո՞ք սադրանք է՞:
- Այդ զորավարժություններին մասնակցում են երկու կողմից մի քանի հարյուր զինվորականներ։ Հիմնական խնդիրը, որը Հայաստանի համար չեն լուծում ո՛չ ԱՄՆ-ի, ո՛չ ԵՄ-ի հետ հարաբերությունները, դա անվտանգությունն է, այդ թվում Լեռնային Ղարաբաղը, որը Փաշինյանը փաստացի հանձնել է։ Դա չափազանց ցավոտ թեմա է հայ գիտակցության համար։ Եվ այդ մասին հարցը այսպես թե այնպես կծագի ու որպես բումերանգ կհարվածի հենց վարչապետին։
«Svpressa». Ռուսաստանը Հայաստանի հետ ընդհանուր սահման չունի. Ուստի, որոշ փորձագետների կարծիքով, այդ փոքր երկրին մեծ ուշադրություն դարձնելու կարիք չկա։
-Չեմ կարծում։ Ռուսաստանին պետք է հանգիստ Անդրկովկաս, որտեղ հակամարտություններ չեն լինի, ավելին՝ հայկական ինքնության ոչնչացմամբ։ Դրա համար մեր արտաքին գործերի նախարարությունն ու պաշտպանության նախարարությունը շատ բան են անում։
«Svpressa».- Չե՞նք ուշացել։ Հայաստանում գնալով ավելի քիչ են ռուսամետ քաղաքացիները...
— Երևանն այժմ ակտիվ քարոզչություն է իրականացնում Ռուսաստանի դեմ։ Ակնհայտորեն չհասկանալով, որ իր համար սա ինքնասպանություն է։ Որովհետև Ռուսաստանը և՛ արտահանման, և՛ ներմուծման Հայաստանի հիմնական առևտրային գործընկերն է։ Իսկ դեպի Արևմուտք շրջադարձի հետևանքը կլինի այդ երկրի տնտեսության լիակատար ոչնչացումը։ Իրականում կլինի աղետ, որից հետո մեր ազդեցության հարցը ամերիկացիները կլուծեն այլ ճանապարհներով։ Եվ այդ դեպքում Հայաստանը դժվար թե կարողանա գոյատևել ներկայիս տեսքով:
Նյութը հրապարակման պատրաստեց Կամո Խաչիկյանը
