Հոբբիտ- ճգնավորը բնակություն է հաստատել Հայաստանի լեռներում գտնվող գետնափորում
ՀԱՍԱՐԱԿՈՒԹՅՈՒՆ
Dovod.online-ը գրում է, որ ընդդիմադիր ակտիվիստ Յուրի Ալեքսեևը, ով հայտնի է Հոբբիտ ճգնավոր մականունով, Հայաստանի լեռներում նոր գետնափոր է կառուցել։ Դրանում նա ներկայումս մշտական է բնակվում։
Հիշեցնենք, որ մի քանի տարի առաջ մոսկվացի փաստաբան Յուրի Ալեքսեևը հրաժարվեց նյութական հարստությունից և տեղափոխվեց Վլադիմիրի մարզի Ալեքսանդրովսկի շրջանի Յարոսլավլի մայրուղու եզրին գտնվող փոքրիկ գետնափոր տնակը։ Նա սկսեց ցուցաբերել քաղաքական ակտիվություն և բացեց իր սեփական ինտերնետային բլոգը։ 2022 թվականին Ալեքսեևը ստիպված էր արտագաղթել Ռուսաստանից իշխանությունների կողմից մշտական հետապնդումների պատճառով։ Այսպիսով, դատարանը նրան տուգանել էր հողատարածք ապօրինի զավթելու հոդվածով և 6 օրով կալանավորել գետնափորի մոտ տեղադրված «Ոչ պատերազմին» պաստառի համար։
Ներկայումս Ալեքսեևը տեղափոխվել է Հայաստան, որտեղ պարբերաբար մասնակցում է Պուտինի և ուկրաինական պատերազմի դեմ ուղղված փողոցային ակցիաներին:
«Ես փախել եմ Ռուսաստանից Պետրուշկա նապաստակի հետ: Նրա հետ ինչ-որ այլ տեղ տեղափոխվելը չափազանց դժվար կլիներ։ Այնպես որ, ես չեմ էլ փորձել: «Հաջողության համար» դիմեցի Գերմանիա մարդասիրական վիզայի համար, սակայն հյուպատոսության աշխատակիցները սկսեցին ռետին ձգել և ինձնից փաստաթղթեր պահանջել, որոնք պետք է հաստատեին, որ ինձ ինչ որ բան է սպառնում Հայաստանում։ Թեև ես մի քանի անգամ ձերբակալվել եմ Հայաստանում Պուտինի դեմ ցույցերի և պիկետների ժամանակ, և նույնիսկ ինձ տուժող են ճանաչել իմ պիկետներից մեկում իմ վրա հարձակման համար, բայց ինձ վիզա չտվին։ Մտածում եմ, որ եթե Գերմանիային ես պետք չեմ, ուրեմն նա էլ ինձ պետք չէ։ Իսկ Հայաստանը, ինչպես ինձ թվաց, իմ կարիքն ունի, երիտասարդ ժողովրդավարություն, որը պահանջում է հատուկ խնամք և ուշադրություն։ Նապաստակ Պետրուշկան վերջերս «ցատկեց ծիածանի վրա», ես նրան թաղեցի գետնափորի կողքին։ Այնպես որ, հիմա ինձ համար դժվար չէր լինի նույնիսկ ԱՄՆ գնալը, բայց ես այստեղ գտել եմ տուն և ինձ դուր է գալիս այստեղ», - պատմել է Յուրի Ալեքսեևը (Հոբբիտ- ճգնավորը) dovod.online-ին:
Նյութը հրապարակման պատրաստեց Կամո Խաչիկյանը
