Ռուսները օգնել են Հայաստանին, բայց ոչ Թուրքիային. «Վախեցած հայրենասեր»- ների զարմանահրաշ ֆենոմենը
ՎԵՐԼՈՒԾՈՒԹՅՈՒՆՆԵՐ
Tsargrad.tv-ն գրում է, որ Ռուսաստանի քաղաքացիները Թուրքիայում կացության թույլտվությունների քանակով առաջատար են դարձել 2022 թվականին։ Փաստաթուղթ ստացել է գրեթե 100 հազար ռուս էմիգրանտ, սակայն, ի տարբերություն Հայաստանի, դա չի հանգեցրել ՀՆԱ-ի պայթյունային աճի։ Կոստանդնուպոլսի հետ կապված այդ երևույթը մեկնաբանել է քաղաքագետ, Մոսկվայի պետական լեզվաբանական համալսարանի արտասահմանյան տարածաշրջանային հետազոտությունների ամբիոնի դոցենտ Իքբալ Դուրրեն։
Նա նշել է, որ Հայաստանի և Թուրքիայի միջև նման տարբերությունը կապված է առաջին հերթին երկու երկրների տնտեսության ծավալների հետ։ Մի քանի հազար ռուսը Հայաստանի համար կամ 100 հազար ռուսը Թուրքիայի համար բոլորովին այլ ծավալներ են։ Առաջին երկրի համար դա շոշափելի աճ է, իսկ երկրորդի համար գրեթե աննկատ ցուցանիշ։ «Բացի այդ, այս իրավիճակում իրենց դերն ունեն մի շարք այլ գործոններ։ էմիգրանտները գնում են Հայաստան առաջին հերթին ինչ որ պատժամիջոցներ շրջանցելու համար։ Իսկ Թուրքիա շատերը գնում են ոչ թե բիզնեսի, այլ պարզապես ապրելու համար։ Հայաստանում հիմնականում զբաղվում են բիզնեսով, իսկ Թուրքիայում, հիմնականում, նրանք պարզապես ապրում են»,- tsargrad.tv-ի հետ զրույցում ասել է Իքբալ Դուրրեն։ Բացառություններ, իհարկե, կան, բայց դրանք չեն ազդում ընդհանուր իրավիճակի վրա, շեշտել է փորձագետը։
Հիշեցնենք, որ Ուկրաինայում հատուկ գործողության մեկնարկից հետո շոու բիզնեսի մի շարք աստղեր և հասարակական գործիչներ շտապել են արտերկիր և ստացել կատակային «վախեցած հայրենասերներ» մականունը։ «Փախածների» երկրորդ ալիքը տեղի է ունեցել աշնանային մասնակի զորահավաքից հետո։ Այն ժամանակ շատերը շտապել են գնալ Ռուսաստանին հարակից երկրներ։ Ճիշտ է, տարագրության մեջ զգալով «տարագրային կյանքի ամբողջ հմայքը», նրանք սկսել են կամաց-կամաց վերադառնալ հայրենիք։
Նյութը հրապարակման պատրաստեց Կամո Խաչիկյանը
