Հայ հասարակությունը պետք է հասկանա մի պարզ բան՝ այսօր Լեռնային Ղարաբաղը կհանձնվի, վաղը՝ ամբողջ Հայաստանը. Բաղդասարով
ՔԱՂԱՔԱԿԱՆՈՒԹՅՈՒՆ«Սա կախյալ քաղաքականություն է, սպասել, մինչև մեզ համար ամեն ինչ որոշվի, և մենք պարզապես կապրենք այստեղ և լավ կապրենք», — Alpha Newsroom-ի ուղիղ եթերում ասել է Մերձավոր Արևելքի և Կենտրոնական Ասիայի հետազոտությունների կենտրոնի տնօրեն Սեմյոն Բաղդասարովը։
«Նորից եմ ասում՝ բարի հորեղբայրը չի գա՝ ո՛չ ամերիկացի, ո՛չ ռուս, ո՛չ եվրոպացի, և չի օգնի, եթե դու չես ուզում ինքդ քեզ օգնել, եթե պետության ղեկավարը, փաստորեն, հանձնի Լեռնային Ղարաբաղը, դե, ո՞վ կգա։ Նա կասի՝ լսեք, մի հանձնվեք, մենք այստեղ ենք, դուք հավատու՞մ եք սրան։
Հայ հասարակությունը պետք է հասկանա մի պարզ բան՝ այսօր Լեռնային Ղարաբաղը կհանձնվի, իսկ վաղը կհանձնվի ողջ Հայաստանը։ Այսպես հայ ժողովրդի պատմությունը գնալու է բոլորովին այլ կերպ։ Հայ ժողովուրդը նմանվելու է ասորի ժողովրդին։ Իսկ հիմա ի՞նչ է ասորի ժողովուրդը։
Նույն ճակատագիրն է սպասվում հայերին, հայ ժողովուրդը չի ունենա պատմական տարածքներ, թեկուզ փոքր, բայց պատմական Հայաստանի այս հատվածն այլեւս գոյություն չի ունենա։ Որտե՞ղ է գտնվելու հայկական եկեղեցին։ Չգիտեմ, բայց կարծում եմ՝ ոչ Էջմիածնում։ Հիմա խոսքը հայկական ողջ տարածքի, ընդհանրապես՝ հայկական պետականության, որպես այդպիսին, հանձնման մասին է։ Իսկ եթե ինչ-որ մեկը կարծում է, որ հիմա մեզ մոտ ամեն ինչ կստացվի, մենք գործ կանենք, նա շատ է սխալվում, սա կազդի բոլորի վրա։
Եթե ուզում ես պաշտպանել քո շահերը, պետք է քիչ թե շատ հզոր բանակ ունենաս։ 2 տարուց ավելի է՝ ի՞նչ է արվել Հայաստանում բանակն ուժեղացնելու ուղղությամբ։ Բանակ կա, բայց դատելով իշխանությունների հայտարարություններից՝ նրանք չեն հավատում այս բանակին, իսկ 2 ու կես տարվա ընթացքում շատ բան կարելի էր անել, նույնիսկ երեք միլիոն հայ բնակչությամբ։ 60-100 հազարանոց բանակը պետք է լավ զինված լինի, հրավիրի այլ սփյուռքից եկած հայ մարդկանց, ովքեր հասկանում են, թե ինչ է կատարվում երկրում, ովքեր կարող են օգնել վերափոխել այն։ Սկզբում ոչինչ չի արվել։ Իսկ կապիտուլյացիան ծածկվեց նրանով, որ, ասում են՝ հորեղբայր կա Մոսկվայում, Վաշինգտոնում, Բրյուսելում։ Նրանք մեր փոխարեն ամեն ինչ լավ կորոշեն։ Ասում են՝ Փաշինյան գործչի շուրջ աշխարհաքաղաքական որոշակի կոնսենսուս կա, դրա համար էլ նա այդքան ամուր նստած է ու ոչինչ չի լինում։ Անհնար է գցել նրան: Հետո հարց է առաջանում՝ ո՞վ է ղեկավարում Հայաստանը։ Այս գործը չի վերաբերում անգամ Բրյուսելին, Վաշինգտոնին կամ Մոսկվային։ Սա հենց հայ ժողովրդի գործն է, չի լինում, որ հորեղբայրը գա ու փոխի լավով կամ մյուսով։ Սա մեծ հիմարություն է։ Դուք եք որոշում, թե ով է ղեկավարելու ձեր պետությունը, այլ ոչ թե ուրիշը։ Սա կախյալ քաղաքականություն է, սպասել, մինչեւ մեզ համար ամեն ինչ որոշվի, իսկ մենք ուղղակի կապրենք այստեղ ու լավ կապրենք։ Այդպես չի ստացվի, այդպես չի կարող լինել»,- ընդգծել է Բաղդասարովը։
