Քաղաքական գործիչների մաղթանքը հայ կանանց

Կանանց միջազգային օրվա՝ մարտի 8-ի առթիվ, Armday.am-ը քաղաքական գործիչներից հետաքրքվել է, թե ում են նրանք առաջինը շնորհավորել և ինչ դեր ունի հայ կինը նրանց կյանքում:

ԱԺ ՀՀԿ խմբակցության ղեկավար Վահրամ Բաղդասարյան

Առաջինը գերեզմաններում մայրիկիս եմ շնորհավորել, հետո ընտանիքիս և մնացած իմ կին ընկերներին: Հայ կնոջը ես տեսնում եմ մոր կերպարում:

ԲՀԿ ղմբակցության քարտուղար Վահե Էնֆիաջյան

Այսօր «Ծառուկյան» դաշինքը գեղեցիկ ակցիա է կազմակերպել և գեղեցիկ սեռի ներկայացուցիչների հաճելիորեն զարմացրել: Այսօր առաջինը մայրիկիս եմ շնորհավորել, հետո կնոջս: Օրը սկսել է նաև հարևաններին շնորհավորելով: Կարծում եմ, առհասարակ, կնոջ առաքելությունը ի վերուստ տրված է յուրահատուկ լինելու, փաղաքշելու, նրան սիրելու և ուշադրության կենտրոնում լինելու: Այս պարագայում կինը լինում է միշտ գեղեցիկ, հմայիչ և ցանկալի:

ՀՀԿ ԱԺ պատգամավոր Առաքել Մովսիսյանը (Շմայս)

Նախ ձեզ եմ շնորհավորում առաջինը, ես արդեն շնորհավորել եմ:

ՀՀ Նախագահի խորհրդական Գևորգ Կոստանյան

Առաջինը շնորհավորել եմ Ստրասբուրգում դեսպանության ներկայացուցիչներին: Մաղթում եմ, որ հայ կանայք միշտ երջանիկ լինեն և յուրաքանչյուրը անպայման երկու, երեք երեխա մեծացնի և դաստիարակի մեր երկրի, մեր ազգի համար:

ԱԺ ՀՅԴ պատգամավոր Կարեն Շահմուրադյան

Առաջինը մայրիկիս եմ շնորհավորել: Հայ աղջիկների մաղթում եմ սեր, իսկ մայրերին իրենց ամուսինների և երեխաների սերը:

ԱԺ աշխատակազմի ղեկավար Հրայր Թովմասյան

Առավոտյան շնորհավորել եմ կնոջս ու աղջիկներիս, ցանկացել եմ կանացի երջանկություն և ուրախություն: Այդ հարցերում առանձնահատում չեմ՝ ստանդարտ եմ: