Հասկանում ենք Ուկրաինայի հիասթափությունը ՆԱՏՕ-ին անդամակցելու անհնարինության հետ կապված. Քիրբի
ՄԻՋԱԶԳԱՅԻՆ
Ուկրաինան դեռ պետք է կատարի մի շարք պահանջներ, որպեսզի կարողանա դառնալ ՆԱՏՕ-ի անդամ, ասել է Սպիտակ տան ազգային անվտանգության խորհրդի ռազմավարական հաղորդակցությունների համակարգող Ջոն Քիրբին ի պատասխան Ուկրաինայի նախագահ Վլադիմիր Զելենսկու քննադատությանը՝ ՆԱՏՕ-ին անդամակցելու հետ կապված, հայտնում է CNN-ը։
«Մենք հավատում ենք, որ ՆԱՏՕ-ն Ուկրաինայի ապագան է։ Դա այն է, որի մասին դաշինքը համաձայնել է 2008 թվականին, CNN-ին ասել է Քիրբին: «Այժմ Ուկրաինային անհրաժեշտ են որոշակի բարեփոխումներ՝ լավ կառավարում, օրենքի գերակայություն, քաղաքական բարեփոխումներ, և մենք հասկանում ենք, որ դժվար է աշխատել այդ բարեփոխումներից որոշների վրա, երբ դու պատերազմի մեջ ես: Իհարկե, նրանք այժմ պատերազմի մեջ են։ Ուստի մոտ ապագայում ՆԱՏՕ-ին անդամակցելը քիչ հավանական է, քանի որ այս դեպքում ՆԱՏՕ-ն պատերազմի մեջ կլինի Ռուսաստանի հետ»։
Այնուամենայնիվ, Քիրբին ընդունել է Զելենսկու հիասթափությունը, ով այսօր խիստ քննադատությամբ է հանդես եկել Լիտվայի գագաթնաժողովում ՆԱՏՕ-ին անդամակցելու հնարավոր ճանապարհի վերաբերյալ քննարկումների հետ կապված:
«Այո, կա հիասթափություն, կա այս պատերազմը որքան հնարավոր է շուտ ավարտելու ցանկություն. մենք հասկանում ենք այս ամենը», - ասել է Քիրբին։ «Իհարկե, մենք կիսում ենք այս մտահոգություններից շատերը»:
