ԱԺ նախագահին թվում է՝ այդ աթոռն տնից է բերել եւ կարող է խուլիգանական պահվածք դրսեւորել. Գեղամ Մանուկյան
ՔԱՂԱՔԱԿԱՆՈՒԹՅՈՒՆԱզգային ժողովի նախագահին թվում է, թե այդ աթոռն իր տնից է բերել, ու այդ աթոռի վրա ինքը կարող է ամենախուլիգանական պահվածքն ունենալ, այդ թվում նրա արտահայտությունն ուղղված Սեյրան Օհանյանին: Այս մասին այսօր՝ հունիսի 26-ին, ԱԺ-ում լրագրողների հետ ճեպազրույցի ժամանակ ասաց «Հայաստան» խմբակցության պատգամավոր Գեղամ Մանուկյանը:
«Որեւէ քաղաքական, քաղաքակիրթ ձեւակարպում անհնար է տալ ԱԺ նախագահին եւ ՔՊ խմբակցության ղեկավարին: Նրանք իրենց խուլիգանական դրսեւորումներով փորձեցին հերթական անգամ խանգարել ԱԺ ընթացքը: Սա տրամաբանորեն մի բացատրություն ունի, որ երկրի առջեւ ծառացած քաղաքական օրակարգերը փորձում են շեղել նման քայլերով, կեղծիքներով, սուտ խոսելով: Բարոյական, մարդկային որեւէ սահման շատ վաղուց բոլոր կարկիր գծերն անցել են եւ շարունակում են նույն ձեւով իրենց ընթացքը»,-ասաց նա:
«Ամոթ էր ուղղակի, որ Սուրեն Պապիկյանը նստած էր։ Գետինը պետք է մտներ, երբ գեներալների է Ալեն Սիմոնյանի մակարդակով քննադատում և ուղղակի խայտառակ ստեր են հայտարարում, թե այսքան միլիոնների զենքեր են գնել: Սերյան Օհանյանն էլ, բնականաբար, որպես զինվորական հակադարձեց, որից հետո Ալեն Սիմոնյանը թողեց հեռացավ դահլիճից՝ չցանկանալով որևէ հիմնավոր բացատրություն տալ իր խայտառակ հայտարարությունների համար»,- ասաց նա:
Դիտարկմանը, որ Սեյրան Օհանյանն Ալեն ՍԻմոնյանին անվանել է «սրիկա», Գեղամ Մանուկյանն ասաց. «Որովհետեւ Ալեն Սիմոնյանն ասել էր՝ ձեր նման գեներալներն են պարտության բերել»:
