Հայաստանի իշխանությունները ձերբակալել են «հանրապետական» Աշոտյանին
ՎԵՐԼՈՒԾՈՒԹՅՈՒՆՆԵՐ
Anna-news.info-ն գրում է, որ Երևանի դատարանը երկու ամսով կալանավորել է երկրի նախկին իշխող կուսակցության առաջնորդներից մեկին՝ Հանրապետական կուսակցության փոխնախագահ Արմեն Աշոտյանին, ով անցած շաբաթ ձերբակալվել էր Հայաստանի քննչական կոմիտեի կողմից։ Քաղաքական գործիչը ՀՀ երրորդ նախագահ և կուսակցության նախագահ Սերժ Սարգսյանի մերձավոր շրջապատի անդամ է։ Նա նախկին նախագահի կառավարությունում ղեկավարել է կրթության նախարարի, խորհրդարանի արտաքին հարաբերությունների մշտական հանձնաժողովի նախագահի պաշտոնները։
Փաստաբան Տիգրան Աթանեսյանն իր վստահորդի ձերբակալումն ու կալանավորումն անվանել է քաղաքական հետապնդում ընդդիմադիր գործչի նկատմամբ. «Նա կտեղափոխվի «Նուբարաշեն» ՔԿՀ, թեև նախկին նախարար է և բուժծառայության փոխգնդապետ, բայց նրան կպահեն հանցագործների հետ։ Դա մի տեսակ վրեժխնդրություն է»: Միաժամանակ, ինչպես պարզվել է Աշոտյանի դեմ ոչ մի ապացույց չկա։ Պաշտպանական կողմը դատարանի որոշումը համարում է անհիմն և մտադիր է այն բողոքարկել վերադաս մարմին։
Աթանեսյանը նախօրեին մատնանշել էր նաև նախաքննական մարմինների քաղաքական դրդապատճառներով գործողություններն, որոնք իրականացվել են իշխանության ճնշման ներքո. «Քննությամբ արձանագրվել է, որ նա խախտել է խափանման միջոցը՝ չհեռանալու մասին պահանջը, սակայն չի նշում, թե կոնկրետ ի՞նչ է արել։ Աշոտյանը կարծում է, որ այդ կալանավորումն իր քաղաքական գործունեության արդյունք է»։
Ավելի վաղ նրա դեմ քրեական գործ էր հարուցվել Երևանի բժշկական համալսարանում, որի հոգաբարձուների խորհուրդը նա էր ղեկավարում, «առանձնապես խոշոր չափերով գողության» փաստով։ 2022 թվականի նոյեմբերին նրա նկատմամբ խափանման միջոց էր ընտրվել երկրից չբացակայելու մասին ստորագրությունը։ Ինքն՝ ամբաստանյալն, իր հետապնդումը համարում է պատվիրած վարչապետ Նիկոլ Փաշինյանի կողմից:
Նախօրեին Հայաստանի ամենահին կուսակցություններից մեկի՝ Հանրապետական կուսակցության գործադիր մարմինն իր հայտարարության մեջ մատնանշել էր մեղադրանքների շինծու բնույթը, և այն, որ Աշոտյանը «քաղաքական հետապնդման է ենթարկվում». «Տարիներ առաջ հարուցված շինծու քրեական գործն ի սկզբանե նպատակ ուներ Արմեն Աշոտյանին մեկուսացնելու համար, սակայն գործի քաղաքական բնույթն այնքան ակնհայտ էր, որ նույնիսկ Հայաստանի ներկայիս իշխանության անմիջական ենթակայության տակ գտնվող քննչական մարմինները չկարողացան գնալ նրա մեկուսացումը։ Հատկանշական է, որ Արմեն Աշոտյանի ձերբակալությունն ու կալանավորումը, դատարան դիմելու որոշումը կայացվել է վերջերս, երբ Հայաստանի շուրջ արտաքին քաղաքական շրջանակն օրեցօր նեղանում է, ներքաղաքական կյանքում լարվածությունն աճում է, իսկ Հայաստանի ղեկավարության հեղինակությունն, ըստ տարբեր սոցհարցումների, ավելի ու ավելի է ընկնում»։
Ընդդիմադիր ուժը կարծում է, որ «Հայաստանի իշխանությունները ձգտում են նման գործողությունների հասարակության ուշադրությունն օրեցօր սրվող ներքին ու արտաքին խնդիրներից շեղելու համար»։
Նշենք, որ Հանրապետական կուսակցությունը, որը Սարգսյանի թեկնածությունն առաջադրել էր 2018 թվականին վարչապետի պաշտոնում, ակտիվ ընդդիմադիր է և դեմ է երկրի ներկայիս ղեկավար Փաշինյանի քաղաքականությանը։ Աշոտյանի կալանավորման մեջ նա մեղադրել է հանրապետության գործող իշխանություններին. «Այն, ինչ տեղի է ունենում, դե ֆակտո ուղղակիորեն համակարգվում է երկրի բարձրագույն իշխանության ներկայացուցիչների կողմից։ Կոչ ենք անում ՀՀ իրավապահ համակարգին և դատական իշխանության կրողներին հրաժարվել քաղաքական իշխանությունների ապօրինի ցուցումները կատարելուց, հակառակ դեպքում նրանք նույնպես լիովին կկիսեն այդ ապօրինությունների պատասխանատվությունը»։
Հայտարարության մեջ նշվում է, որ «Քննչական մարմինը հարկ չի համարել հանրության ուշադրությանը ներկայացնել տևական քրեական գործի շրջանակներում ձերբակալված ընդդիմադիր քաղաքական գործչի ձերբակալությունից 4 ժամ անց ազատազրկման փաստացի հիմքերն, իսկ ներկայացված «հիմնավորումն» անիմաստ է ու անհիմն»։
Միջադեպի և իշխանություն-ընդդիմություն դիմակայության սրման առնչությամբ Հայաստանի Հանրապետական կուսակցությունը կոչ է արել միջազգային կազմակերպություններին և օտարերկրյա դեսպանատներին դատապարտել Փաշինյանի կառավարության կողմից այլախոհների հետապնդման ակտերը: «Ժողովրդավարության և մարդու իրավունքների հարցերով զբաղվող կառույցների, օտարերկրյա դեսպանատների ուշադրությունն ենք հրավիրում բացահայտ հակաժողովրդավարական և հակաիրավական գործընթացի վրա»,- ասված է Արմեն Աշոտյանին սատարող Հանրապետական կուսակցության հայտարարության մեջ։
Հայաստանի մի շարք այլ կուսակցություններ ևս խստորեն դատապարտել են ընդդիմադիր քաղաքական գործչի հետապնդումը: «Հայրենիք», «Դաշնակցություն», «Սահմանադրական իրավունքի միություն» կուսակցություններն Աշոտյանին քաղբանտարկյալ են անվանել։ ՀՀ պաշտպանության նախկին նախարար Վիգեն Սարգսյանը նշել է, որ «Իշխանությունը զավթած բանդայի հուսահատությունը ցուցադրող այդ ստոր քայլը ջրբաժան է բոլորիս համար»։
Ինքը՝ բանտարկյալը, կոչ է արել Հայաստանի ժողովրդին և Հանրապետական կուսակցության բոլոր համախոհներին շարունակել պայքարը հանուն Ստեփանակերտի անկախության և «չնահանջել Արցախի համար պայքարից»։
Հիշեցնենք, որ ՀՀ վարչապետ Նիկոլ Փաշինյանը պաշտոնապես հայտարարել էր, որ Հայաստանը ճանաչում է Ադրբեջանի տարածքային ամբողջականությունը և հրաժարվել էր պաշտպանել Լեռնային Ղարաբաղի Հանրապետության շահերն Արցախը ճանաչելով որպես Ադրբեջանի մաս։
Նյութը հրապարակման պատրաստեց Կամո Խաչիկյանը
