«Նախանձելու բան չկա». ինչպիսի թոշակ են ստանում Հայաստանում համեմատած Ռուսաստանի Դաշնության հետ և ինչի համար է դա բավարար
ՎԵՐԼՈՒԾՈՒԹՅՈՒՆՆԵՐ
Glas.ru-ն գրում է, որ Հայաստանն իր բնությամբ և տեսարժան վայրերով գրավում է զբոսաշրջիկներին, սակայն արտագաղթի ցուցանիշով երկիրը գտնվում է աշխարհի երկրների առաջին տասնյակում:
Հայաստանի բնակիչները հաճախ են մեկնում Ռուսաստանի Դաշնություն ավելի լավ կյանքի համար։ Միաժամանակ Հայաստանում մնում են տարեց քաղաքացիները, որոնցից երկրում ներկայումս կա մոտ 460 հազար մարդ, և գրեթե նրանց բոլորի հույսը թոշակն է։
Visasam ռեսուրսը հայտնում է, որ Հայաստանում կանայք կարող են թոշակի անցնել 63 տարեկանում, իսկ տղամարդիկ 65 տարեկանում։ Կենսաթոշակ ստանալու մեկ այլ պայման է ստաժը, որը կենսաթոշակի անցնելու պահին պետք է լինի 25 տարի։ Եթե նման ստաժ չկա, ապա տարեց քաղաքացիները կարող են հույս ունենալ միայն ծերության նպաստի համար և ապավինել կրտսեր հարազատների օգնությանը։
Հայաստանում նվազագույն կենսաթոշակը 31000 դրամ է։ Սակայն 2023 թվականի հուլիսից երկրի իշխանությունները նախատեսում են նվազագույն կենսաթոշակի չափը հասցնել 36000 դրամի։ Նվազագույն կենսաթոշակի չափը ռուբլով կազմում է ընդամենը 6400 ռուբլի: Նման գումարն իսկապես շատ ցածր է և, ամենայն հավանականությամբ, այն կբավարարի միայն համեստ ճաշի համար: Մեկ սենյականոց բնակարանի բնակարանային և կոմունալ ծառայությունների նվազագույն արժեքը 45000 դրամ է։
Զեն ալիքի «Compare» բլոգերը նշում է, որ Հայաստանում նվազագույն կենսաթոշակը 2,3 անգամ ցածր է նվազագույն աշխատավարձից։ Ռուսաստանի Դաշնության համեմատ ապրանքների արժեքները մոտավորապես նույնն են։ Միայն Հայաստանում հասարակական տրանսպորտով երթևեկելն է ավելի մատչելի։ Խոսքը Ռուսաստանում 40 ռուբլու դիմաց Հայաստանում 20 ռուբլի վարձավճարի մասին է։
Նյութը հրապարակման պատրաստեց Կամո Խաչիկյանը
