Շենգենը երկուսին չի դիմանա. ռուսները Հայաստանում վիզային բում են «հրահրել»
ՎԵՐԼՈՒԾՈՒԹՅՈՒՆՆԵՐ
Eadaily.com-ը գրում է, որ Հայաստանում ԵՄ պատվիրակության ղեկավար, դեսպան Անդրեա Վիկտորինը կոչ է արել հանրապետության քաղաքացիներին չվճարել միջնորդներին ԵՄ անդամ երկրների դեսպանատներում Շենգենյան վիզաների անվճար ժամկետներ ամրագրելու համար։
Վերջին ամիսներին Հայաստանում նկատվում է վիզային բում։ Դա հանգեցրել է մի իրավիճակի, երբ քաղաքացիները առանձին գումար են վճարում միջնորդներին, որոշ դեպքերում տեղական տուրօպերատորներին միջինը 15000-ից 50000 դրամ (40-ից 130 դոլար)՝ վիզայի կենտրոններ (կամ Շենգենյան երկրների դեսպանատներ) փաստաթղթեր ներկայացնելու համար։ Մի քանի ամիս առաջ բոլոր ժամկետները ամրագրված են լինում ԵՄ երկրներ մուտք գործելու թույլտվության համար հերթագրելու համար։ «Ինձ շատ հավաստի տեղեկություններ են հասել, որ շատ տուրիստական գործակալություններ անվճար ժամեր են ամրագրում (վիզաների համար դիմելու համար), և դրա պատճառով այսօր այս իրավիճակն է ստեղծվել։ Սա խնդիր է, և մենք պետք է աշխատենք դրա լուծման ուղղությամբ»,- ասել է դիվանագետը ելույթ ունենալով Երևանում կայացած մամուլի ասուլիսում։
Վիկտորինը վստահեցրել է, որ արդեն իսկ որոշակի քայլեր են ձեռնարկվում նման «կոլեկտիվ ամրագրումները» կանխելու համար: Հայաստանում ԵՄ անդամ երկրների որոշ դեսպանատներ արդեն փոխել են վիզայի տրամադրման կարգը։ Նրանց թվում է Գերմանիան։
Իրավիճակը բարդ է, բայց աշխատելով Հայաստանի արտգործնախարարության և ԵՄ անդամ երկրների հետ վիզաների տրամադրման գործընթացը կարելի է բարելավել, վստահություն է հայտնել դիվանագետը։
Ըստ հայկական լրատվամիջոցների Շենգենի նկատմամբ պահանջարկի աճը Հայաստանում առաջացել է երկու պատճառով, որոնք են հանրապետությունից դեպի ԵՄ երկրներ թռիչքների ուղղությունների ու հաճախականություն մեծացումը, ինչը կապված է նաև տրանսպորտի ոլորտում Ռուսաստանի դեմ ԵՄ պատժամիջոցների ներդրման հետ։ Արդյունքում Հայաստանում վիզա ստանալու համար դիմող ինչպես տեղացիների, այնպես էլ օտարերկրացիների թվի մեջ առաջին հերթին գերակշռում են ռուսները։
Նյութը հրապարակման պատրաստեց Կամո Խաչիկյանը
