Դաշնակիցները երես են թեքում Ռուսաստանից. Սերբիան, Հայաստանը և Մոլդովան մոտենում են ՆԱՏՕ-ին
ՄԻՋԱԶԳԱՅԻՆ
Newizv.ru-ն գրում է, որ Սերբիան ներել է ՆԱՏՕ-ին: Նա ՆԱՏՕ-ի հետ համատեղ զորավարժություններ կանցկացնի իր տարածքում։ Այսինքն մի կազմակերպության հետ, որի միայն անունը կապված 1990-ականներին Բելգրադի և այլ քաղաքների ռմբակոծության հետ մերժում է առաջացրել բազմաթիվ սերբերի մոտ։ Հունիսի 16-ից 30-ը Սերբիայում ԱՄՆ-ի և ՆԱՏՕ-ի ուժերի մասնակցությամբ կանցկացվեն «Platinum Wolf-2023» զորավարժությունները։
Այստեղ հետաքրքիր է նաև այն, որ Ուկրաինայում Ռուսաստանի Հատուկ ռազմական գործողության մեկնարկից հետո Սերբիան մորատորիում էր սահմանել միջազգային զորավարժությունների համար, սակայն մարտի 16-ին երկրի կառավարությունը չեղարկել է դա։ Նշենք, որ Սերբիայի մերձեցումը Հյուսիսատլանտյան ռազմական դաշինքի հետ սկսվել է վաղուց, երբ 2006 թվականին այդ երկիրը միացավ ՆԱՏՕ-ի Գործընկերություն հանուն խաղաղության ծրագրին։
Ոչ վաղ անցյալում լրատվամիջոցներն ու սոցիալական ցանցերը հայտնում էին, որ մարտիկներ հավաքագրելու նպատակով Սերբիայում ընթանում է ռուսական մասնավոր ռազմական Wagner ընկերության գովազդային արշավը։ Այնուամենայնիվ, դա առաջացրեց տեղական իշխանությունների սուր արձագանքին, այն աստիճան, որ նախագահ Ալեքսանդր Վուչիչը ասաց, որ «բարեկամ երկրում այդպես չեն հավաքագրում» և նույնիսկ նախազգուշացրեց սերբ վարձկանների քրեական հետապնդման մասին։ Ավելին, Բելգրադը ՄԱԿ-ի նստաշրջանում քվեարկեց Ռուսաստանի դատապարտման օգտին, իսկ մոտ մեկ ամիս առաջ էլ Սերբիայի էկոնոմիկայի նախարարության ղեկավար Ռադե Բաշտան կոչ արեց շուտափույթ միանալ Ռուսաստանի դեմ լայնածավալ պատժամիջոցների ռեժիմին։
Իրավիճակն ավելի լավ չէ Հայաստանի դեպքում, որը մտադիր էր ԱՄՆ-ի և ՆԱՏՕ-ի այլ երկրների հետ միասին մասնակցել Defender-2023 զորավարժություններին: Օրերս այդ ամսին ասել էր Պենտագոնի խոսնակ Սաբրինա Սինգհը։ Զորավարժությունները կսկսվեն ապրիլի 22-ին եվրոպական միանգամից 10 երկրների տարածքում, որոնց կմասնակցեն 17000 միավոր տեխնիկա, 9000 ամերիկացի զինվորական և ևս 17000 զինվոր դաշնակից և գործընկեր երկրներից: Դրանց թվում կան երկրներ, որոնք ՆԱՏՕ-ի անդամ չեն. Հայաստանից բացի, դրանք են Մոլդովան, Բոսնիա և Հերցեգովինան, ինչպես նաև Կոսովոյի ուժերը։ Այնուամենայնիվ
հաջորդ օրը տեղեկություն հայտնվեց, որ Defender-2023 զորավարժությունների մասնակիցների թվում Հայաստանն այլևս չկա։ սակայն, ըստ Հանրապետության ՊՆ մամուլի քարտուղար Արամ Թորոսյանի, Հայաստանն այս տարի կմասնակցի դաշինքի 2 զորավարժությունների. դրանք կլինեն ՆԱՏՕ-ի հովանու ներքո գործող Միջազգային առաքելության ուժերի զորավարժությունները Կոսովոյում և Մետոխիում եւ Saber Junction զորավարժությունները:
«Նեուդաշա» հեռուստաալիքի վերլուծաբանները կարծում են, որ Ռուսաստանից իր դաշնակիցների հեռանալը դեռ երկար կշարունակվի: «Ըստ ցուցակի, ամեն ինչ կանխատեսելի է: Հայաստանը ամեն կերպ դուրս է բերվում ռուսական ուղեծրից, ինչին նպաստում է շարունակվող ղարաբաղյան ճգնաժամը և ՀԱՊԿ-ի անկեղծ անկենսունակությունը, մի կազմակերպություն, որը բացի գագաթնաժողովներից, բանկետներից և թղթեր մրոտելուց, պարզվեց, որ ոչ մի բանի ընդունակ չէ: Խնդիրը շատ կպարզեցվեր, եթե ԱՄՆ-ը վճռական ազդեցություն ունենար Ադրբեջանում, բայց կա խորամանկ Էրդողանը, որին տարածաշրջանում ամերիկացիների լրացուցիչ հզորացումը պետք չէ։ Նա միանգամայն գոհ է Ռուսաստանի Դաշնության հետ Հայաստանի ֆորմալ դաշինքից, և, ըստ էության, Հայաստանը թողնված է ինքն իրեն և ռուս խաղաղապահների փոքրաթիվ կոնտինգենտի հույսին։ Մյուս «հրավիրված աստղերի» դեպքում էլ ամեն ինչ պարզ է. կոսովացիներին աջակցությունն ընդգծվում է սերբերին ուղղված հստակ ազդանշանով.«փորձեք Ռուսաստանի օգտին ձայն հանել՝ անմիջապես կվերադառնաք 90-ականներ», Բոսնիան նույն պատճառով վերջին մեկ տարվա ընթացքում սկսել է զինվել, փորձելով մոլդավացիներին ռումինացիների հետ Մերձդնեստրի միջոցով ներքաշել ուկրաինական հակամարտության մեջ նրանց նույնպես նույնպես մեծապես դուրս են բերում ռուսական ուղեծրից։ Մոլդովան դիմադրում է, նրան պետք չէ ուրիշի պատերազմը, հատկապես, որ ռուսական գազին այլընտրանք չկա։ Բայց ամերիկացիները չեն շտապում և գործում են աստիճանաբար, նրանք գիտեն, թե ինչպես երկար խաղ խաղալ և նպատակաուղղված աշխատել ապագայի համար»:
Նյութը հրապարակման պատրաստեց Կամո Խաչիկյանը
