Բաքվի ցանցեր. «Հարգելի Մոսկվա, ամբողջովին կանգնեք Բաքվի կողքին և երջանիկ կլինեք»
ՎԵՐԼՈՒԾՈՒԹՅՈՒՆՆԵՐ
Iarex.ru-ն գրում է, որ Գերմանիայի իշխանությունների Միջազգային քրեական դատարանի (ՄՔԴ) որոշմամբ Ռուսաստանի նախագահ Վլադիմիր Պուտինին ձերբակալելու վարկածային որոշումը հավասարազոր կլինի պատերազմ հայտարարելուն, ռուսական լրատվամիջոցներին տված հարցազրույցում ասել է Անվտանգության խորհրդի փոխնախագահ Դմիտրի Մեդվեդևը։
«Որոշ Գերմանիայի արդարադատության նախարարի պես հիմարներ ասում են. «Դե, եթե գա, մենք նրան կձերբակալենք»։<...> Միջուկային պետության ներկայիս ղեկավարը ժամանում է, ասենք, Գերմանիայի տարածք և ձերբակալվո՞ւմ։ Ի՞նչ է դա, պատերազմի հայտարարություն Ռուսաստանի Դաշնությանը»,- ասել է Մեդվեդևը:
Ինչպե՞ս են Ադրբեջանի սոցիալական ցանցերը գնահատել այդ հարցը։ Թեման քննարկել են «Զանգեզուրի Ինքնավար Հանրապետություն» Telegram ալիքի օգտատերերը։
Elshad Camal. Հետաքրքիր է, թե ինչպես կլինի դա...
Elvin. Երազելը նորմալ է:
ՏԱՍՍ-ը, հղում անելով ՌԴ ԱԳՆ-ի աղբյուրներին, գրել է, որ Ռուսաստանի Դաշնության ղեկավարության դեմ օրինականորեն անվավեր «օրդերների» ֆոնին Մոսկվան բացարձակապես անընդունելի է համարում Երևանի Միջազգային քրեական դատարանի (ՄՔԴ) Հռոմի կանոնադրությանը միանալու ծրագրերը:
Ադրբեջանցիներն այդ հարցի վերաբերյալ ակտիվորեն արտահայտել են իրենց կարծիքները «Maiden Tower» Telegram ալիքում:
Fuad. Հայերը, ինչպես և մեզանից շատերը, կարծում էին, որ ՄՔԴ-ն և Արդարադատության միջազգային դատարանը նույնն են: Նրանք կարծում են, որ «քանի որ դատարանը կոչ է արել Ադրբեջանին բացել ճանապարհը Լաչինում, ուրեմն մենք պետք է միանանք այս դատարանին, որպեսզի ավելի տպավորիչ երևանք»։ Իրականում Միջազգային քրեական դատարանը և Արդարադատության միջազգային դատարանը տարբեր ատյաններ են չնայած երկուսն էլ աշխարհագրորեն գտնվում են Հաագայում:
Самир. Հարգելի Մոսկվա: Ամբողջովին կանգնեք Բաքվի կողքին և երջանիկ կլինեք:
Айгюль. Փաստորեն, ճիշտ են վարվել։ Ադրբեջանն էլ պետք է միանա Հռոմի ստատուտին, այլ ոչ թե սպասի Մոսկվայից ողորմության:
GraVarg. Ինձ թվում է սա երկու աթոռի վրա նստելու հերթական փորձն է։ Դատարանը հավանություն տվեց՝ նրանք ցույց կտան Արևմուտքին, որ իրենց մոտ ժողովրդավարություն է, ազատ աթոռ ունեն։ Հետո Փաշինյանը արգելափակելու է դա և Մոսկվային ցույց կտան, թե ինչ հավատարիմ դաշնակիցներ են, իսկ Արևմուտքին կասեն, որ Մոսկվան է ստիպել իրենց։ Եվ բոլորը երջանիկ կլինեն, բայց ոչինչ չի փոխվի։
Nurcam. Հայերը լավ գիտեն, որ իրենց նախագիծն ավելի շատ պետք է հենց Ռուսաստանին, քան հայերին։ Դրա համար էլ դուրս են տալիս այն, ինչ ուզում են:
Emin Gurbanov. Հետաքրքիր կլինի, եթե Պուտինին ձերբակալեն Հայաստանում և արտահանձնեն ԱՄՆ-ին: Նրանք գիտեն դավաճանել։
Նույն թեման բուռն քննարկվել է «Ջոկեր Բաքու» Telegram ալիքում։
Admin. Բայց սա արդեն հետաքրքիր է: Արդյո՞ք Երևանը նահանջելու է, սա է հարցը։ Եթե ոչ, ապա Կրեմլը կդիմանա՞ հայկական լկտիությանը։ Ամենայն հավանականությամբ՝ այո, էլ ի՞նչ կարող է անել։
Elmer Sultanov. Դե, ինչու ոչ: Վարչապետը կասի, որ կապ չունի։ Եվ որ դա ևս մեկ անգամ ցույց է տալիս Հայաստանում սահմանադրական դատարանի անկախությունը։
Ильхам. Ոչ ոք ոչ մի տեղ չի նահանջի: Հայաստանում ՄՔԴ-ին անդամակցելու որոշումն ընդունում է խորհրդարանը, այնտեղի խորհրդարանը Փաշինյանի կողմից չի վերահսկվում, նա չի կարող ազդել դրա վրա։ Իսկ ի՞նչ են անելու՝ գազի սակագինն են բարձրացնելու։ Ղարաբաղն առանց այն էլ ամբողջովին անցել է Ադրբեջանին, մնացել է հայ միգրանտներին վտարել։ Դե, նաև կարող են արգելել հայկական գինիների ու կոնյակների վաճառքը Ռուսաստանի Դաշնությունում։
Ադրբեջանցիներն իրենց կարծիքն են հայտնել նաև «AAF» Telegram ալիքում։
LoKdoX. Ադրբեջանում կա միֆ, որ եթե Ռուսաստանն ու Հայաստանը վիճեն, ապա Ռուսաստանը Ղարաբաղի հարցով կգնա դեպի Բաքու:
Levan. Ուրեմն «Մոսկվայի հետ ծայրահեղ բացասական հարաբերությունների» համար է, որ օրենքն ընդունվում է։
Siraslan911. Հայաստանի ղեկավարությունը, ըստ երևույթին, շատ ավելի ատում է իր դաշնակիցներին, քան թշնամիներին։
Саха. Պետք է լինել Ադրբեջանիկողմից, ոչ թե Ռուսաստանի կամ Ուկրաինայի:
Мурад. Ակնհայտ էր: Էժան PR՝ այսպես կոչված դեմոկրատական երկրների հանդիպումից առաջ, որտեղ, չգիտես ինչու, հրավիրված է Հայաստանը։ Վախենամ, ոչ թե դեմոկրատիայի հաշվին, որն ապրիորի չկա այդ երկրում, այլ ավելի շատ Ռուսաստանին ջղայնացնելու համար։ Այս օրենքի վավերացումը հայությանը չի բավականացնի: Իսկ ընդհանրապես անհեթեթ է թվում, ինչպե՞ս կարող է հնազանդ շունը կծել կերակրող ձեռքը։ Ձև անել՝ այո, բայց կծել երբեք:
Blitzz. Արդյո՞ք Ադրբեջանը միացել է Հռոմի ստատուտին: Եթե դրսից նայեք, Ադրբեջանն ավելի շատ է Ռուսաստանի դաշնակից, քան Հայաստանը։
Elçin Hüseynov. Ռուսաստանը հաջորդ անգամ թող մտածի տեր կանգնե՞լ Հայաստանին, թե՞ ոչ: Չնայած նրանք միշտ դավաճանել են ու դարեր շարունակ դավաճանելու են։
Նյութը հրապարակման պատրաստեց Կամո Խաչիկյանը
