Հայաստանցի գործարարները հետաքրքրվել են Կրասնոյարսկի արտադրողների արտադրանքով
ՎԵՐԼՈՒԾՈՒԹՅՈՒՆՆԵՐ
Newslab.ru-ն գրում է, որ Կրասնոյարսկում Հայաստանի գործարար պատվիրակությունը Հայաստանի առևտրաարդյունաբերական պալատի փոխնախագահ Կարեն Իվանովի գլխավորությամբ, հանդիպել է տարածաշրջանի արտահանողների հետ։
Հայաստանցի գործարարները հետաքրքրված են շինանյութերի, սննդի արդյունաբերության արտադրանքի, փայտանյութի ձեռքբերմամբ։ Այդ ոլորտները գործարար հանդիպմանը ներկայացրել են Կրասնոյարսկի երկրամասի 23 ընկերություններ։ Արտահանման աջակցության կենտրոնը Կրասնոյարսկի բոլոր մասնակիցների համար մշակել է անհատական բանակցային ծրագիր։ Արդյունքում կայացել է 44 գործնական հանդիպում, ընկերությունների ներկայացում, շփումների փոխանակում և կոմերցիոն առաջարկներ։ Բացի այդ, օտարերկրյա ձեռներեցների համար կազմակերպվել է էքսկուրսիա «Ագրոտերմինալ» մարզային մեծածախ բաշխիչ կենտրոն։
Հյուրերը մասնակցել են նաև «Իմ բիզնեսը» կենտրոնի արտահանողների ակումբի հերթական հանդիպմանը, որտեղ քննարկվել են Հայաստան արտադրանքի արտահանման առանձնահատկությունները, զուգահեռ ներմուծման և արտահանման հնարավորությունները։
«Բիզնես առաքելությունները, և հատկապես փոխադարձ, երբ մեզ մոտ են գալիս օտարերկրյա ձեռներեցները, աշխատանքի շատ տարածված ձևաչափ է Կրասնոյարսկի արտահանողների համար: Նրանց համար դա հնարավորություն է արտադրանքը պոտենցիալ գործընկերներին անվճար ներկայացնելու և արտահանման հնարավորությունները գնահատելու համար։ Այս տարի Կրասնոյարսկում արդեն չորս հակադարձ բիզնես առաքելություն է տեղի ունեցել, բացի Հայաստանից մեզ մոտ են եկել գործարարներ Ղազախստանից, Արաբական Միացյալ Էմիրություններից, Մոնղոլիայից։ Ընդհանուր առմամբ, տարեսկզբից 19 արտասահմանյան ընկերություններ և 71 ձեռնարկատերեր Կրասնոյարսկի երկրամասից մասնակցել են փոխադարձ բիզնես առաքելություններին»,- ասել է «Իմ բիզնեսը» կենտրոնի արտահանման աջակցման ղեկավար Նատալյա Աբրամովան։
Գործարար առաքելության արդյունքում մի քանի հնարավոր արտահանման պայմանագրեր են մշակվել: Կրասնոյարսկի ընկերությունները Հայաստան են ուղարկել իրենց արտադրանքի նմուշները, և դրական գնահատականի դեպքում աշխատանքը գործընկերների հետ կշարունակվի։
«Փոքր և միջին ձեռնարկություններ» և «Միջազգային համագործակցություն և արտահանում» ազգային նախագծերի շրջանակներում օտարերկրյա պատվիրակությունների մասնակցությամբ փոխադարձ բիզնես առաքելություններն իրականացվում են Արտահանման աջակցության տարածաշրջանային կենտրոնի կողմից («Իմ բիզնեսը» կենտրոնի կառուցվածքի մաս):
Նյութը հրապարակման պատրաստեց Կամո Խաչիկյանը
