Կրեմլը հրապարակել է ՀՀ, ՌԴ և Ադրբեջանի առաջնորդների եռակողմ հայտարարությունը

«Մենք` Ադրբեջանի նախագահ Իլհամ Ալիևը, Հայաստանի վարչապետ Նիկոլ Փաշինյանը և Ռուսաստանի նախագահ Վլադիմիր Պուտինը, հանդիպեցինք 2022 թվականի հոկտեմբերի 31-ին Սոչիում և քննարկեցինք 2020 թվականի նոյեմբերի 9-ի, 2021 թվականի հունվարի 11-ի և նոյեմբերի 26-ի եռակողմ հայտարարությունների իրականացման ընթացքը։ Վերահաստատեցինք հանձնառությունը` անշեղորեն պահպանելու նշված բոլոր պայմանավորվածությունները` ի շահ ադրբեջանա–հայկական հարաբերությունների համակողմանի կարգավորման, Հարավային Կովկասի խաղաղության, կայունության և անվտանգության ապահովման և կայուն տնտեսական զարգացման»,– ասված է հայտարարությունում։

 

Կողմերը համաձայնել են հավելյալ ջանքեր գործադրել` ուղղված մնացած խնդիրների, այդ թվում հումանիտար հարցերի անհապաղ լուծմանը։