Հայաստանում քույրերը վայրի խոտաբույսերից բուրավետ և առողջարար թեյ են պատրաստում
ՀԱՍԱՐԱԿՈՒԹՅՈՒՆ
Mir24.tv–ն գրում է, որ Հայաստանից երեք քույրեր որոշել են վերակենդանացնել վայրի լեռնային խոտաբույսերից ու ծաղիկներից թեյի հին բաղադրատոմսերը։ Բաղադրիչները հավաքվում են իրենք: Առողջ ըմպելիքի գաղտնիքները պարզել է МИР 24-ի թղթակից Լիանա Ազոյանը։
Լեռներում հավաքված խոտաբույսերից հնագույն թեյի գլխավոր գաղտնիքը բացառապես ձեռքով պատրաստելն է։ Շահբազյան քույրերը ամռանը նախապատրաստում են բաղադրիչները: Խոտաբույսերը ևս իրենք են ֆերմենտացնում, որպեսի հնարավորինս պահպանվենմ դրանց օգտակար հատկությունները։
«Ահա, օրինակ, վայրի բալի ծաղկի թերթիկները։ Մենք ափերով պտտում ենք այն, մինչև մակերեսը մուգ երանգ ստանա։ Դա նշանակում է, որ քիմիական գործընթացը սկսվել է։ Հետո մի քանի օր չորացնում ենք լավ օդափոխվող տեղում»,- ասել է գործարար Անի Ղազարյանը։
Թեյի կոմպոզիցիաներում պատահական խոտաբույսեր չկան, ասում են քույրերը, տասնամյակներ շարունակ փորձարկված բաղադրատոմսեր են: Այդ թեյը պատրաստել է նրանց տատիկը։ Նրա տնից միշտ խոտաբույսերի հոտ էր գալիս։ «Մի անգամ, երբ մաքրում էի հին սնդուկը, ես գտա տատիկիս գրառումները, որտեղ նա բաղադրատոմսեր էր գրում: Ուզում էի նորից սուզվել մանկության հարմարավետ մթնոլորտում։ Դրանք վերստեղծելու գաղափար առաջացավ»,- ասել էց գործարար Անի Շահբազյանը։
Քույրերը տատիկից ժառանգել են մոտ մեկ տասնյակ բաղադրատոմսեր։ Նա օգտագործել է երիցուկ և զվերաբոյ աղիքային խանգարումների դեպքում, իվան թեյ և անմոռուկ իմունիտետին աջակցելու համար: Յուրաքանչյուր թեյի հավաքածուի համար քույրերը փաստաթղթեր ենն ստացել։
«Նրա բոլոր բաղադրատոմսերը հատուկ փորձարկվել են Ստանդարտացման կենտրոնում՝ համային և բժշկական ցուցանիշներին համապատասխանելու համար: Բացի դա տատիկի թուրմերը որոշել ենք լրացնել վայրի մրգերի չրերի կտորներով։ Բուրավետ ու գեղեցիկ է ստացվել»,- ասել է ձեռնարկատեր Մարիա Շախբազյանը։
Քույրերը յուրաքանչյուր թեյի հավաքածուի համար անուն են հորինում: Ոմանք ակնարկով. օրինակ մրսածության համար թեյն անվանել են «Վերածնունդ», իսկ «Ճամփորդությունը» կհեռացնի աղիների ցավերը։ Նշենք, որ Հայաստանի տարածքում աճում են ավելի քան 2500 տեսակի բուժիչ բույսեր և դեղաբույսեր, իսկ Ժողովրդական բժշկության մեջ հիմնականում օգտագործվում է մոտ 300–ը:
