Փաշինյանը, Ալիևն ու Պուտինը կհանդիպեն հոկտեմբերի վերջին. մեր տեղեկությունը հաստատվեց

1or.am-ը օրեր առաջ գրել էր, որ հոկտեմբերի 30-ին կամ 31-ին ռուսաստանյան որևէ քաղաքում կայանալու է Հայաստանի վարչապետ Նիկոլ Փաշինյանի, Ադրբեջանի և Ռուսաստանի նախագահներ՝ Իլհամ Ալիևի և Վլադիմիր Պուտինի եռակողմ հանդիպումը։ Նշել էինք, որ այդ հանդիպումը կարող է կայանալ Սանկտ Պետերբուրգում, Մոսկվայում կամ Սոչիում։

 

Ի հաստատումն մեր տեղեկության ՝ ռուսաստանյան հեղինակավոր «Վեդոմոստի» պարբերականի դիվանագիտական աղբյուրները հաստատել են այդ տեղեկությունը, նշել, որ հանդիպումը կայանալու է կամ Մոսկվայում, կամ Սոչիում։ «Ամենայն հավանականության ընտրությունը կկանգնի Սոչիի վրա»,-նշել է աղբյուրը։

 

Ըստ պարբերականի մեկ այլ աղբյուրի՝ եռակողմ բանակցությունների վերսկսվող աշխատանքը սկսվել է հոկտեմբերի 14-ին Աստանայում ՝ԱՊՀ գագաթնաժողովում՝ Պուտինի հաշտարար ելույթից հետո, երբ քննարկվել էին Հայաստանի և Ադրբեջանի միջև տարածքային վեճերը։

 

Ավելի վաղ կայացել է Փաշինյանի և Ալիևի 2 հանդիպումները՝ մեկը Թուրքիայի նախագահ Ռեջեփ Թայիբ Էրդողանի, մյուսը՝ Ֆրանսիայի նախագահի՝ Էմանուել Մակրոնի մասնակցությամբ՝ Պրահայում։

 

Նիկոլ Փաշինյանը փորձում է հանդիպումները տեղափոխել եվրոպական դաշտ և իրականացնել Բրյուսելում, որտեղ նրա դիրքերը փոքր ինչ ավելի ուժեղ են, սակայն Ռուսաստանը ինչպես և կանխատեսել էր, թույլ չի տա իր ազդեցության նվազեցում այս գոտում և հենց ինքն է նախաձեռնում Փաշինյանին Ռուսաստան կանչելու, նրան տեղը տեղին բացատրելու, թե ով ով է Հարավկովկասյան տարածաշրջանում։

 

Չի բացառվում, որ հենց հոկտեմբերի վերջին էլ, ինչպես նշում են բազմաթիվ վերծլուծաբաններ, Փաշինյանին նոր փասաթուղթ դեմ տան և պատրադրեն ստորագրել այն։ Ամեն դեպքում Հայաստանի իշխանություններից դեռ հանդիպման վերաբերյալ որևէ հաստատում չի հետևել։

 

Ի դեպ, 1or.am-ի աղբյուրը չի բացառում, որ հանդիպումը կարող է մեկ օր շուտ՝ հոկտեմբերի 29-ին կայանալ, տեխնիկական պատճառներով։