«Հայ քաղաքագետ. Արևմուտքին պետք է ոչ թե խաղաղություն, այլ քաոս Անդրկովկասում»
ՎԵՐԼՈՒԾՈՒԹՅՈՒՆՆԵՐ
Regnum.ru–ն գրում է, որ Անդրկովկասում արևմտյան քաղաքականության նպատակն է Ռուսաստանին դուրս մղել տարածաշրջանից և այնտեղ ստեղծել ապակայունացման և քաոսի միջավայր։
Այդ մասին REGNUM-ի թղթակցին ասել է քաղաքագետ, «Ժողովրդի ձայնը» (Հայաստան) փորձագիտական ակումբի անդամ Արման Ղուկասյանը։
«Ես իսկապես չեմ հասկանում, թե որն է ԵՄ առաքելությունը: Ես գիտեմ, որ նրանք իրական երաշխիքներ չեն կարող տալ ու չեն տալու։ Արևմուտքը շահագրգռված է հենց նրանով, որ Ռուսաստանը հեռացնի կարգավորման գործընթացից և ամբողջ տարածաշրջանից։ Նրանց նպատակն է Արցախը հանձնել ադրբեջանցիներին, իսկ հետո Հայաստանի իշխանություններին մղել հեռանալու ռուսական շահերի ուղեծրից Ռուսաստանին մեղադրելով Արցախը հանձնելու մեջ։
Հիմա ամեն ինչ արվում է Հայաստանում հակառուսական անկարգություններ բարձրացնելու համար, իսկ հետո, երբ Արևմուտքի հովանավորությամբ նման փաստաթուղթ ստորագրվի, հակառուսական մանիպուլյացիա ու սուտ կկիրառվի։ Հայաստանի իշխանությունները բանակցային գործընթացում բազմաթիվ սխալներ են թույլ տվել, հիմա ևս աղետալի սխալներ են թույլ տալիս միամտորեն հավատալով, որ Արևմուտքում իրենց երաշխիքներ կտան։ Երաշխիքներ չեն լինի, քանի որ Արևմուտքի նպատակը ոչ թե խաղաղությունն ու կայունությունն է տարածաշրջանում, այլ հակառակը՝ քաոսն ու ապակայունացումը»,- ասել է փորձագետը։
Հիշեցնենք, որ Երևանն ու Բրյուսելը պայմանավորվածություն են ձեռք բերել Եվրամիության քաղաքացիական առաքելություն Ադրբեջանի հետ Հայաստանի սահմանամերձ շրջաններ ուղարկելու վերաբերյալ։
Նյութը հրապարակման պատրաստեց Կամո Խաչիկյանը
