«Beeline»-ը կարող է փոխել սեփականատիրոջը. Նիդեռլանդները օպտիմալացնում է բիզնեսը
ՎԵՐԼՈՒԾՈՒԹՅՈՒՆՆԵՐ
Dk.ru–ն գրում է, որ այժմ «Վիմպելկոմը» գրեթե 100%-ով պատկանում է հոլանդական Veon հոլդինգին։ Համաճարակից հետո բջջային կապի մանրածախ առևտուրը համարվում է բավականին անշահավետ ձեռնարկում։
«Վիմպելկոմը» կդառնա 100% ռուսական կապիտալով ընկերություն, այդ հարցը քննարկվում է օպերատորի մայր կառույցում, որն այժմ գրեթե 100%-ով պատկանում է հոլանդական Veon հոլդինգին։ Ռուսական տարբեր կառույցներին վաճառելուց բացի, հնարավոր է ակտիվը փոխանցվի հայրենական վստահելի ընկերության որոշակի ժամկետում հետ գնելու իրավունքի ամրագրմամբ։
«Մենք պարբերաբար գնահատում ենք մեր պորտֆելը և փնտրում ենք ներդրումներ կամ վաճառելու հնարավորություններ, որոնք կարող են արժեք ստեղծել Veon-ի բաժնետերերի համար: Մեր ուշադրությունը կենտրոնացած է մակրոտնտեսական աճի հզոր ներուժ ունեցող շուկաների վրա, որտեղ մեր կապի արտադրանքը լավ հնարավորություններ ունի: Մենք չենք կարող ենթադրություններ անել մեր պորտֆելի ընկերություններից որևէ մեկի հետ կապված մեր ծրագրերի մասին», – ասել են հոլդինգի մամուլի ծառայությունից։
Բջջային մանրածախ առևտրի 2021 թվականի համաճարակային տարուց հետո անշահավետ օպտիմալացումը կշարունակվի, ասում են փորձագետները։ Ըստ Veon-ի 2022 թվականի II եռամսյակում Ռուսաստանին բաժին է ընկել հոլդինգի հասույթի կեսից ավելին, այսինքն՝ 1 միլիարդ դոլարից մի փոքր ավելի: Բջջային կապի բաժանորդների քանակով (47 միլիոն), «ՎիմպելԿոմը» Veon-ի առաջնագծում է և զիջում է միայն Պակիստանի ակտիվներին (75,5 մլն բաժանորդ): Այժմ հոլդինգի շուկայական կապիտալիզացիան կազմում է մոտ 1 մլրդ դոլար։
Թերթի զրուցակիցները չեն կարողացել հստակեցնել գործարքի հնարավոր պայմանները։ Վերջնական որոշում դեռ կայացված չէ։ Veon-ը միավորում է հեռահաղորդակցության օպերատորներին Ռուսաստանում, Ուկրաինայում, Պակիստանում, Ալժիրում, Ղազախստանում, Ուզբեկստանում, Բանգլադեշում, Ղրղզստանում, Հայաստանում և Վրաստանում: Հոլդինգի ամենախոշոր բաժնետերը միլիարդատեր Միխայիլ Ֆրիդմանի LetterOne խումբն է՝ նրան պատկանում է ընկերության բաժնետոմսերի 47,9%-ը։
Beeline-ի հիմնադիր, գործարար, ավելի քան 100 գիտական աշխատությունների և գյուտերի հեղինակ Դմիտրի Զիմինը մահացել է 2021 թվականի դեկտեմբերի 22-ին Շվեյցարիայում։
Նյութը հրապարակման պատրաստեց Կամո Խաչիկյանը
