ԵՄ-ում շաքարավազի ռեկորդային գները վրդովեցրել են հրուշակագործներին

Եվրամիությունում շաքարի ռեկորդային բարձր գները, որոնք գրեթե երեք անգամ ավելի բարձր են, քան մեկ տարի առաջ՝ եղանակային պայմանների եւ էներգիայի թանկացման պատճառով, հրուշակագործներին ստիպում են մտածել արտադրությունը կրճատելու մասին, գրում է Reuters-ը։

Շաքարավազի առեւտրականները եւ ոլորտի փորձագետները ասում են, որ մայրցամաքում զտված սպիտակ շաքարի տեղում գները վաճառվում են մոտ 1050 եվրո մեկ տոննայի դիմաց, ինչը երբեւէ գրանցված ամենաբարձր ցուցանիշն է:

Համաշխարհային շուկայում գները, ընդհակառակը, այս մակարդակի մոտ կեսն են։

«Շաքարի շուկան ճգնաժամի մեջ է»,-ասում է Մուրիել Կորտերը՝ ԵՄ հրուշակեղենի արդյունաբերության «Կաոբիսկո» ասոցիացիայի գործադիր տնօրենը: «Մենք մտավախություն ունենք, որ մեր ընկերությունները եւ հատկապես մեր բազմաթիվ փոքր եւ միջին ձեռնարկությունները կարող են շուտով կանգնել բարդ ընտրության առաջ՝ ժամանակավորապես դադարեցնել կամ կրճատել արտադրությունը այս ձմռանը»,-հավելել է նա։ 

Շաքարի արտադրությունն ամենաէներգատար արդյունաբերություններից է, եւ ԵՄ-ում այն ​​հատկապես կախված է գազից։

ԵՄ-ում գազի գնահատված գները մոտ 700 տոկոսով բարձր են անցյալ տարվա սկզբի մակարդակից։

Հրուշակեղենի արտադրության գերմանական ասոցիացիան՝ BDSI-ն, հայտնել է, որ Գերմանիան՝ ԵՄ-ում քաղցրավենիքի եւ խորտիկների ամենամեծ արտադրողը, վտանգում է կորցնել իր մրցունակությունը նույնիսկ եվրոպական երկրների համեմատ։

Գերմանիան հատկապես մեծ վնաս է կրել ռուսական գազի մատակարարումների կրճատումից:

Եվրահանձնաժողովն ակնկալում է, որ շաքարի արտադրությունը 2022/23-ին (հոկտեմբեր-սեպտեմբեր) կնվազի 6,9 տոկոսով եւ կկազմի 15,5 միլիոն տոննա՝ պայմանավորված ցանքատարածությունների կրճատմամբ եւ ամառային սաստիկ երաշտով։