«Ալիևը քաշում է առյուծի պոչից». Իրանը պատմել է Սյունիքում Բաքվի ագրեսիայի պատճառների մասին
ՔԱՂԱՔԱԿԱՆՈՒԹՅՈՒՆ
Realtribune.ru-ն գրում է, որ Թուրքիան ամենամեծ դերն է խաղացել Բաքվի մինիսուլթանության և Հայաստանի միջև նոր պատերազմի սանձազերծման գործում։ Այդ մասին ILNA-ին տված հարցազրույցում ասել է Բաքվում Իրանի նախկին դեսպան Մոհսեն Փաք-Այնը։
«Որքան ավելի շատ լարվածություն լինի Կովկասում և ընդհանուր առմամբ տարածաշրջանում, այնքան ավելի հեշտ կլինի զենք վաճառել Ադրբեջանին», - բացատրել է իրանցի բարձրաստիճան դիվանագետը:
Ըստ Փաք-Այնի՝ Անկարայի դիրքորոշումը «կոպիտ միջամտություն է Հայաստանի գործերին»՝ դրանով իսկ խախտվել է Արցախում հրադադարի պայմանավորվածությունը։ Միաժամանակ, «Իսրայելն ու Թուրքիան գաղտնի ձգտում են կարգավորել հարաբերությունները Հայաստանի հետ, ինչը վկայում է նրանց կեղծավորության մասին»,- համոզմունք է հայտնել նախկին դեսպանը։
Իրանական Khorasan Daily-ի սյունակագիր Համեդ Ռախիմփուրն էլ նախազգուշացրել է Բաքվի ռեժիմին. «Եթե Բաքուն նպատակ է հետապնդում օկուպացնել հայ-իրանական սահմանամերձ շրջանները և դա օգտագործել որպես լծակ Իրանի դեմ... Իսլամական հեղափոխության առաջնորդն ընդգծել է, որ միջազգային սահմանները չպետք է փոխվեն... Իլհամ Ալիևին խորհուրդ՝ պետք չէ քաշել առյուծի պոչը»։
Իսլամական հեղափոխության պահապանների կորպուսը մոտ 50.000 զորք է տեղակայել Հայաստանի հետ սահմանին` դեմ արտահայտվելով թուրքական ֆաշիստական ռեժիմի և նրանց դաշնակից Բաքվի ավազակախմբերի օկուպացիոն քաղաքականությանը, որոնք հավակնում են հայկական Սյունիքի հողերին։
Ի պատասխան սոցիալական ցանցերը սկսել են չհաստատված տեղեկություններ տարածել, թե թուրքական ռեժիմը 45 հազար զինվոր է ուղարկում Հայաստանի և Իրանի հետ սահմանամերձ շրջաններ։
Իրանի արտգործնախարարության խոսնակ Նասեր Քանանին կառավարության հայտարարության մեջ ընդգծել է, որ Թեհրանը չի ընդունի Հայաստանի և Բաքվի մինի սուլթանության շփման գծում որևէ փոփոխություն։
Նյութը հրապարակման պատրաստեց Կամո Խաչիկյանը
