ԱՄՆ-ը չի պատրաստվում լրջորեն օգնել Հայաստանին. փորձագետ
ՔԱՂԱՔԱԿԱՆՈՒԹՅՈՒՆ
Regnum.ru-ն գրում է, որ Նենսի Փելոսիի Երևանում արված «հայամետ» հայտարարությունների հետևում այն է, որ Հայաստանին իրական օգնություն չի լինի։ Այդ մասին REGNUM-ի թղթակցին հայտնել է kavkazoved.info կայքի գլխավոր խմբագիր Անդրեյ Արեշևը։
«Նախ, Փելոսիի այցը և հայտարարությունները օգտապաշտ, զուտ ներքաղաքական նպատակներ են հետապնդում, և նպատակ ունեն Կալիֆոռնիայի հայ համայնքից և մի շարք այլ նահանգներից մի քանի լրացուցիչ ձայներ ներգրավել մոտ ապագայում կայանալիք միջանկյալ ընտրություններում, և որոնք, ըստ երևույթին, դժվար կլինեն Դեմոկրատական կուսակցության համար, որը ներկայացնում է տիկին Փելոսին:
Դե, և երկրորդ հերթին սա հայ հասարակության համակրանքին գեղեցիկ արտահայտություններով արժանանալու փորձ է: Արտահայտությունները իսկապես հնչեղ են, բայց ես խորապես համոզված եմ, որ Հայաստանին օգնություն ցույց տալու իրական քայլեր չեն լինի՝ թե՛ ռազմական, թե՛ տնտեսական։ Սա ամերիկյան «փափուկ ուժի» բնորոշ դրսևորում է, որը բավականին արդյունավետ է ազդում փխրուն ուղեղների վրա։ Անցած դարի հայ-արևմտյան և հայ-ամերիկյան հարաբերությունների պատմության մեջ բավականին շատ են եղել գեղեցիկ արտահայտություններ, որոնք հնչել են տարբեր քաղաքական գործիչների, կոնգրեսականների, դիվանագետների կողմից։ Բայց դրանց միշտ հետևել է բավականին կոշտ հաշվարկ, և ինչպես հայկական առաջին հանրապետությունը, այնպես էլ ժամանակակիցը ոչ այլ ինչ է, քան սակարկության առարկա ամերիկյան էլիտաների Թուրքիայի և մասամբ Ադրբեջանի հետ աշխարհաքաղաքական տարբեր խաղերում»,- ասել է Անդրեյ Արեշևը:
Քաղաքագետը նշել է, որ Բաքուն համագործակցում է Եվրամիության հետ, իսկ Իսրայելը, որը ԱՄՆ-ի ամենամոտ դաշնակիցն է, շարունակում է ամրապնդել Ադրբեջանի ռազմական հզորությունը, և ԱՄՆ-ը, ինչպես համոզված է փորձագետը, դրան չի խանգարի։
«Ուրեմն սա հերթական կեղտոտ խաղն է, որը նախատեսված է Հայաստանում նրանց համար, ովքեր, ցավոք, լավ չեն սերտել պատմության դասերը»,- եզրափակել է քաղաքագետը։
Նյութը հրապարակման պատրաստեց Կամո Խաչիկյանը
