Վրաստանը «Մեծ խաղում». ԱՄՆ-ը և ՆԱՏՕ-ն Անդրկովկասում
ՄԻՋԱԶԳԱՅԻՆ
Regnum.ru-ն գրում է, որ նախկին Ուկրաինական ԽՍՀ-ի Ազգային գործակալությունը կոռուպցիայի կանխարգելման հարցերով պատժամիջոցների ցանկում ներառել է «Վրացական երազանքի» հիմնադիր, Վրաստանի նախկին վարչապետ Բիձինա Իվանիշվիլիին և նրա մերձավոր շրջապատը։
Միաժամանակ նախկին Ուկրաինական ԽՍՀ-ի իշխանությունների ներկայացուցիչները վստահություն են հայտնել, որ Արևմուտքը կհետևի իրենց օրինակին։
Ավելի վաղ, Եվրամիության խորհուրդը ապաօլիգարխացումն անվանել է Վրաստանին ԵՄ թեկնածուի կարգավիճակ տալու պայմաններից մեկը։ Դրան նախորդել էր Վրաստանի վերաբերյալ Եվրախորհրդարանի կոշտ բանաձևը, որում Եվրամիության խորհրդի հանձնարարականներից էր Իվանիշվիլիի նկատմամբ անհատական պատժամիջոցների սահմանումը։
Միևնույն ժամանակ, Իվանիշվիլիի և շվեյցարական Credit Suisse բանկի միջև բազմամիլիոնանոց դատական գործընթաց է ընթանում, որը նպատակ է հետապնդում սահմանափակել Իվանիշվիլիի մուտքը դեպի բանկային ռեսուրսներ: Իշխող կուսակցությունը այդ բանկի գործողությունները գնահատել է որպես ռեկետ և նշել, որ այդ ամենը մեծ հարցեր է առաջացնում։ Այդ առնչությամբ իշխող «Վրացական երազանք» կուսակցության նախագահ Իրակլի Կոբախիձեն ասել է, որ «շանտաժ է տեղի ունենում նախկին Ուկրաինական ԽՍՀ-ի կողմից, ով պահանջում է Վրաստանը մտցնել պատերազմի մեջ, բայց ոչինչ չի ստիպի վրացական իշխանություններին բացել երկրորդ ճակատը»։
Նրա խոսքով, «ոչ ոք չի ստիպի, որ մենք քայլեր ձեռնարկենք մեր երկրի դեմ»։ Բացի այդ, Կոբախիձեն կտրականապես հերքել է Իվանիշվիլիի միջամտությունը երկրի կառավարման գործընթացին։ Ըստ որոշ տեղեկությունների՝ Վրաստանում ԱՄՆ-ի դեսպան Քելի Դեգնանն է կանգնած արևմուտքի կողմից իրականացվող այս ամբողջ գործընթացների հետևում։ Այս տարվա մարտի 21-ին Իվանիշվիլիի հետ նրա ոչ պաշտոնական հանդիպման մասին տեղեկություններ են արտահոսել վրացական լրատվամիջոցներից, որում իբր Իվանիշվիլին ենթարկվել է շանտաժի և խոսվել է «Վրաստանը Ռուսաստանի դեմ պատերազմի մեջ ներգրավելու» մասին։
Ասում են, որ ԱՄՆ-ը վեց միլիարդ դոլար է ծախսել Վրաստանի վրա, և հիմա եկել է պարտքը մարելու ժամանակը։ Ընդ որում, հենց նման հանդիպման փաստը խոսում է «Արևմուտքի կողմից Իվանիշվիլիի կարևոր դերի ճանաչում Վրաստանի քաղաքական կյանքում», և այն, որ նա «կառավարում է կուլիսների հետևից»։
Այս ամենը տեղի է ունենում Վրաստանի խորհրդարանի աշնանային նստաշրջանի մեկնարկի ֆոնին, որը բացվել է արտահերթ խորհրդարանական ընտրությունների պահանջով ընդդիմության հերթական սկանդալային հայտարարությամբ։
«Միացյալ ազգային շարժում» կուսակցության պատգամավոր Լևան Բեժաշվիլին հայտարարել է, որ իշխող «Վրացական երազանք» կուսակցությունը կորցրել է իր լեգիտիմությունը, քանի որ «հակաարևմտյան կուրս» է վարում։ Նրա խոսքով, այդ պայմաններում վրաց հասարակությունը «իշխանափոխության սահմանադրական ժամկետներին սպասելու անհրաժեշտություն չունի»։ Հիշեցնենք, որ հաջորդ խորհրդարանական ընտրությունները Վրաստանում պետք է անցկացվեն 2024 թվականին։ Բացի այդ, ЕНД կուսակցության նախագահ Նիկա Մելիան հայտարարել է բողոքի ակցիաների մասին։ Նա իշխող կուսակցությանն անվանել է «ռուսական երազանք», որը «Վրաստանին մտցնում է կայսրության ծոցը»:
Բայց, վրացի փորձագետներից շատերի կարծիքով, հիմնական հարվածը հասցվում է Իվանիշվիլիին «ապաօլիգարխացման» ալիքով։ ԱՄՆ-ի Միջազգային զարգացման գործակալությունը իր զեկույցում մեղադրել է նրան «պետությունը բռնազավթելու և Ռուսաստանի հետ գործարքներ կնքելու մեջ»։ Այս ամբողջ քաղաքական աղմուկի հետևում, ըստ քաղաքագետ Պետրե Մամրաձեի, ԱՄՆ-ի և Արևմուտքի ձգտումներն են «Վրաստանը քաոսի մեջ գցելու», քանի որ ЕНД-ն նույնիսկ արտահերթ ընտրություններում հաղթելու հնարավորություն չունի: Նրա վարկանիշը 5-7% է։
Խորհրդարանական մարդու իրավունքների հանձնաժողովի նախագահ Միխայիլ Սարջվելաձեն մանրամասնել է ասվածը և մատնանշել քաղաքական ուժերի առկայությունը թե՛ երկրի ներսում, թե՛ դրսում, որոնք ցանկանում են նոր պատերազմի կրակ վառել Ռուսաստանի դեմ։ ԱՄՆ-ը և ՆԱՏՕ-ն չեն թաքցնում իրենց ծրագրերը Վրաստանի և նախկին Ուկրաինական ԽՍՀ-ի, ինչպես նաև Ֆինլանդիայի և Շվեդիայի հետ։
Պոտենցիալ տարբերակ է Վրաստանի միավորման հնարավորությունը տարածաշրջանի այլ երկրների՝ Հայաստանի և Ադրբեջանի հետ, և նախկին Ուկրաինական ԽՍՀ-ի միավորումը Մոլդովայի հետ: Այսպիսով, «Մեծ խաղը» Անդրկովկասում շարունակվում է։
Միևնույն ժամանակ, առանց ամերիկացիների հետ բացահայտ առճակատման գնալու ցանկություն դրսևորելու «Վրացական երազանքը» փորձում է պաշտպանվել և այդ նպատակով նոր հարթակ է ձևավորում։
Վրաստանում քաղաքական մթնոլորտը պայմաններ չունի հերթական «գունավոր հեղափոխության» համար, և առավելագույնը, որը կարելի է ակնկալել, սովորական լոկալ հուզումներն են։
Նյութը հրապարակման պատրաստեց Կամո Խաչիկյանը
