Հայաստանցի ապագա ատամնաբույժը նվաճել է Եվրոպական ուսանողական կարատեի խաղերի ոսկե մեդալը

Mir24.tv-ն գրում է, որ ստոմատոլոգիական ֆակուլտետի 5-րդ կուրսի ուսանող Դավիթ Մակյանը կարատեի մրցաշարում նվաճել է Եվրոպական ուսանողական խաղերի ոսկե մեդալը։ 

Ամենօրյա մարզումները այս տղաների կյանքի պարտադիր մասն են։ Այստեղ շաբաթական հինգ-վեց օր են անցկացնում, իսկ մինչ մրցույթը գործնականում ապրում են այստեղ, քանի որ մարզումների թիվը կրկնապատկվում է։ Այս դահլիճում Դավիթ Մակյանը մրցույթի միակ հաղթողը չէ, բայց հենց նա է ոսկե մեդալ բերել Հայաստանի կարատեի հավաքականին։

«Ծանր մարզումներից հետո մենք կարողացանք հասնել այս հաջողությանը: Դավիթը հինգ մենամարտ է անցկացրել, հինգ անգամ հաղթել ու չեմպիոն դարձել։ Դավիթն իր գրաֆիկում ունի ամեն ինչ՝ երբ և ինչ է անում։ Նա նաև վերահսկում է սնուցումը, դասերի կանոնավորությունը և համալսարանում դասախոսությունների լիարժեք հաճախումը: Մենք ասում ենք՝ եթե ցանկություն կա, կարող ես հետ չմնալ և բարձր մակարդակով զբաղվել և՛ դասերով, և՛ սպորտով»,- պատմել է մարզիչ Արման Մակյանը։

Դավիթը առաջին անգամ է մասնակցել Եվրոպական ուսանողական խաղերին, և անմիջապես ոսկե: Բայց մի քանի տարի երիտասարդը չէր կարողանում հասնել պատվանդանի ամենաբարձր աստիճանին։ Ինչպես ինքն է խոստովանում, չնայած ծանր մարզումներին, ինչ որ բան չէր ստացվում։ Այժմ Դավիթը մեծ հաղթանակը համարում է իր մարզական կարիերայի նոր փուլի մեկնարկը։ «Մի բան է դրսից նայելն ու ուրիշների հաջողություններով ուրախանալը, մեկ այլ բան է, երբ ինքդ էս հաղթանակի հասնել հոգնեցնող մարզումների և կարգապահության պահպանման միջոցով, որոնք էական են նպատակին հասնելու համար: Պրոֆեսիոնալ սպորտում հոգեբանական պատրաստվածությունը կարևոր է»,- պատմել է Եվրոպայի ուսանողական կարատեի խաղերի չեմպիոն Դավիթ Մակյանը։

Դավիթը սպորտից դուրս սովորում է ատամնաբույժի մասնագիտությամբ և ոչ պակաս ժամանակ ու էներգիա է հատկացնում իր ընտրած մասնագիտությանը։ «Իմ ընտանիքում մանկուց կար այն վերաբերմունքը, որ մարզիկը կարող է այլ մասնագիտություն ունենալ, որ մարզիկը պետք է լինի խելացի, մտածող, որպեսզի կարողանա ավելի մեծ հաջողությունների հասնել։ Ընտրեցի ստոմատոլոգիան, քանի որ այն կարելի է համատեղել սպորտի հետ։ Ատամնաբույժն ինքն է կազմում իր աշխատանքային գրաֆիկը՝ երբ կանչել հիվանդին, երբ բուժումն իրականացնել։ Եվ այդ գործոնը հնարավորություն է տալիս չհրաժարվել սպորտից»,- հավելել է Դավիթ Մակյանը։

Այս տարի Լեհաստանում անցկացվող Եվրոպական ուսանողական խաղերին աշխարհի 450 համալսարանների 5000 մարզիկներ են մասնակցել: Ուսանողները մեդալների համար պայքարել են 20 մարզաձևերում։