Փորձագետ. Արևմուտքը լիովին գերազանցում է Ռուսաստանին Արցախում և Հայաստանում
ՔԱՂԱՔԱԿԱՆՈՒԹՅՈՒՆ
Regnum.ru-ն գրում է, որ եթե Կրեմլը շատ մոտ ապագայում վճռական քայլեր չձեռնարկի Անդրկովկասում, ապա Ռուսաստանը ամբողջ տարածաշրջանը կարող է կորցնել։ Այդ մասին REGNUM-ի թղթակցին ասել է Ազատագրական շարժման առաջնորդ, @mikayelbad հեռագրային ալիքի հեղինակ Միքայել Բադալյանը։
«Այս պահին կարելի է փաստել, որ Արևմուտքը լիովին գերազանցում է Մոսկվային Արցախում և Հայաստանում։ Մոսկվան նորից ու նորից նույն փոցխի վրա է կանգնում կորցնելով մարդկանց գլուխները և իր դեմ հանելով բնակչությանը։ Արցախի բնակչությունը չափազանց ուրախ էր Արցախում ռուս խաղաղապահների տեղակայման կապակցությամբ, սակայն այժմ իրավիճակը շատ է փոխվել։ Ավելին, եթե օբյեկտիվ լինենք, խաղաղապահներն իրենք ամենևին էլ մեղավոր չեն և չեն կարող փոխել իրավիճակը, ինչ խաղաղապահներ էլ լինեն այնտեղ։ Ադրբեջանի պահվածքի հարցը աշխարհաքաղաքական է, և այսօր այդ հարցը պետք է որոշի Կրեմլը, որի դեմ էլ իրականում ուղղված են այս բոլոր գործողությունները։ Իհարկե, եթե այնտեղ կանգնեն այլ խաղաղապահներ, իրավիճակը կկարգավորվի հենց աշխարհաքաղաքական գործոնների պատճառով։ Ի՞նչ է լինելու հաջորդիվ: Համոզված եմ, որ արտախորհրդարանական տարբեր ընդդիմադիր ուժեր հանկարծ փող կունենան, և կսկսեն ցնցել իրավիճակը Արցախում խոսելով ոչ այնքան ռուս խաղաղապահների, որքան Ռուսաստանի ու Պուտինի քաղաքականության դեմ։ Հաշվի առնելով այն տրամադրությունները, որոնք հիմա ի հայտ են գալիս Արցախի բնակչության շրջանում, իրավիճակի ցնցումը, իհարկե, իրական է, և դա շատ, շատ վտանգավոր է։ Հետագայում և բավականին արագ այդ ամենը կտարածվի նաև Հայաստանում։ Հենց այդ ժամանակ էլ արմատական ազգայնականները զենքը ձեռքները կառնեն, կտապալեն գործող իշխանությունն ու իշխանությունը կխլեն։ Ի դեմս ժողովրդի սրանք կլինեն հերոսներ, որոնք երկիրը կազատեն դավաճան Նիկոլ Փաշինյանից, իսկ մոտ ապագայում ռուսների «օկուպացիայից»։ Թե ինչի կհանգեցնի այդ ամենը, ես արդեն բազմիցս եմ նկարագրել։ Հայաստանը շատ արագ կվերածվի «Էրմենիստանի», Ռուսաստանը լիովին կկորցնի Անդրկովկասը, իսկ հաղթած թշնամին կկանգնի Ռուսաստանի սահմաններին, որտեղ կշարունակի աշխատել Հյուսիսային Կովկասի բնակչության հետ և ցնցել իրավիճակը այնտեղ։ Շատ ժամանակ չի անցնի, և այնտեղ հրդեհ կբռնկվի: Ո՞վ գիտի, թերևս դա ուկրաինական հակամարտությունը ձգձգելու, Ռուսաստանին ամեն ինչից շեղելու և Մոսկվային հարցերը հերթով լուծելու հնարավորություն չտալու, և նրան ազդեցության գոտիներից զրկելու խնդիրներից մեկն է։ Հետաքրքիր է, եթե այդ ամենը այդտեղ ստացվի, ինչպե՞ս կօգտագործվի դա Սերբիայում։ Չէ՞ որ այնտեղ նույնպես սրացում է եղել, և որոշումը մինչ այժմ մեկ ամսով հետաձգվել է, ավելին՝ հետաձգվել է Արևմուտքի ջանքերով։ Ամեն դեպքում, մի բան է պարզ. եթե Կրեմլը շատ մոտ ապագայում բաց ու վճռական քայլեր չձեռնարկի, ամեն ինչ կարող է շատ ու շատ վատ ավարտվել»,- ասել է Միքայել Բադալյան։
Հիշեցնենք, որ օգոստոսի 1-ին Ադրբեջանը սկսել էր գնդակոծել հայկական դիրքերը, որից հետո իրավիճակը տարածաշրջանում կտրուկ սրվել էր։
Նյութը հրապարակման պատրաստեց Կամո Խաչիկյանը
