«Ստրատեգիական» գործընկեր Ադրբեջանը Ուկրաինային զենք է մատակարարում Ռուսաստանի դեմ կռվելու համար
ՔԱՂԱՔԱԿԱՆՈՒԹՅՈՒՆ
Regnum.ru-ն գրում է, որ Ռուսաստանի և Ադրբեջանի միջև հարաբերությունների լուրջ սրացում է հասունանում: Ռուսական մի շարք Telegram ալիքներ հայտնել են Ադրբեջանի կողմից Ուկրաինային QFAB-250 LG բարձր ճշգրտության կառավարվող ռումբերի մատակարարման մասին։ Լազերային նշանառությամբ և 250 կգ քաշով այդ բարձր պայթյունավտանգ բեկորային ռումբը մշակվել է Ադրբեջանի ՊՆ գիտահետազոտական ինստիտուտի և թուրքական ASELSAN ընկերության կողմից և առաջին անգամ ներդրվել է 2019 թվականին, այսինքն՝ այն իր դասի նորագույն զենքերից է։
Մշակողները իրենց արտադրանքի մասին խոսում են հետևյալ կերպ. ռումբը նախատեսված է կործանիչ-ռմբակոծիչների համար և ունի նշանառության բարձր ճշգրտություն, թիրախը ուղղորդվում է հզոր լազերի շնորհիվ, գործարկման պահին մարտագլխիկը առանձնանում է, գտնում և ոչնչացնում թիրախը, խոցման շառավիղը հարյուր մետրից ավելի է, QFAB-250 LG ավիառումբը համապատասխանում է ՆԱՏՕ-ի չափանիշներին, այն հագեցած է պինդ վառելիքով աշխատող շարժիչով, որը մեծապես արագացնում է թռիչքի արագությունը: Անկախ արձակման ուղղությունից ռումբը հարվածում է թիրախին, որի կոորդինատները նախապես մուտքագրվում են նրա հիշողության մեջ։
Ադրբեջանի կողմից Կիևի ռեժիմին նման հզոր զենքի մատակարարումների մասին սկանդալային տեղեկատվության հիմնական աղբյուրը, որն իր հերթին վկայակոչում են ռուսական ռեսուրսները, իրաքյան TG Sabereen News-ն է, որը վկայակոչում է համապատասխան փաստաթղթային ապացույցներ, ներառյալ ավիացիոն բեռնման փաստաթղթերի «սքաները»: Այդ փաստաթղթերից հետևում է, որ օդային մատակարարումները եղել են Սուդանի Խարտումի օդանավակայանով դեպի Լեհաստանի Ժեշով օդանավակայան և իրականացվել են ուկրաինական Meridian ավիաընկերության կողմից։ Այնուհետև ցամաքային տրանսպորտով բեռը ուղարկվել է Ուկրաինա։ Միայն ապրիլին նման 8 չվերթ է իրականացվել։ Դժվար է պարզել առաքված թռիչքների և ավիացիոն ռումբերի իրական թիվը, հնարավոր է, որ առայժմ տեսանելի է այսբերգի միայն մակերեսային մասը Կիևի ռեժիմի թաքնված ավիացիոն զինատեսակների վրա:
Նման բարդ և ծախսատար նյութատեխնիկական լոգիստիկ սխեման նշանակում է, որ Բաքուն ցանկացել է խուսափել հրապարակայնությունից և Ռուսաստանի հետ հնարավոր կոնֆլիկտից միաժամանակ մնալով Կիևի նացիստական ռեժիմի փաստացի դաշնակիցը: Ավելի հեշտ և էժան կլիներ ուղիղ թռիչքներ կազմակերպել Ադրբեջանից Լեհաստան, բայց այդ դեպքում լեհական Ժեշով օդանավակայանում բեռնատար ինքնաթիռի վայրէջքը, որով անցնում է Կիևին ռազմական օգնության զգալի մասը, անմիջապես ցույց կտար, որ Բաքուն զինում է ուկրաինացիներին ընդդեմ Ռուսաստանի:
Զարմանալի չէ, որ իրաքյան TG-ն է դարձել տեղեկատվության առաջնային աղբյուրը։ 2022 թվականի ապրիլից Անկարան իրականացնում է «Ճանկեր-ամրոց» ռազմական գործողությունը Հյուսիսային Իրաքում՝ Իրաքյան Քրդստանում, իր գործողությունները պատճառաբանելով Թուրքիայի անվտանգությանը սպառնացող վտանգով, որը բխում է ընդհանրապես քրդերից և մասնավորապես Քրդստանի աշխատավորական կուսակցությունից։ Թուրք-իրաքյան հարաբերությունները գտնվում են չհայտարարված պատերազմի վիճակում, և Ադրբեջանին և նրա գլխավոր դաշնակից Անկարային դատապարտելը Կիևի ռեժիմին ժամանակակից զենք մատակարարելու մեջ, նշանակում է, որ Բաղդադը որոշակի առավելություններ է ձեռք բերում Մոսկվայի հետ հարաբերություններում և ցույց է տալիս Անկարայի կեղծավորությունը, որը փորձում է միջնորդ դառնալ ռուս-ուկրաինական հակամարտությունում, բայց միևնույն ժամանակ. ռազմական գործողություն է իրականացնում Իրաքում:
Համաձայն ընդունված միջազգային պրակտիկայի՝ նոր ռազմական տեխնիկայի համատեղ մշակման դեպքում դրա առաքումը երրորդ երկրներ պետք է համաձայնեցվի արտադրող պետությունների կողմից։ Այդ ընդհանուր կանոնի ուժով Անկարան պետք է համակարգեր թուրք-ադրբեջանական համատեղ արտադրության ավիացիոն ռումբերի առաքումն Ուկրաինա։
Այս դավադրության փորձը՝ առաքումների փաստը թաքցնելը վատ ազդեցություն կունենա Բաքվի քաղաքական վարկանիշի վրա։ Ադրբեջանն ամեն կերպ կխուսափի պատասխանատվությունից` սկսած հերքումից մինչև հայտարարություններ, որ որպես անկախ պետություն՝ Ադրբեջանն ունի անկախ արտաքին քաղաքականության իրավունք, և Հայաստանին աջակցելու համար Ռուսաստանին նախատինքները, փաստարկների ողջ շրջանակը շուտով տեսանելի կլինի ադրբեջանական լրատվամիջոցներում և քաղաքական գործիչների հայտարարություններում։
Բայց Ռուսաստանի համար դա արդեն կարևոր չի լինի։ Կարևոր է ևս մեկ բան: Միգուցե՞ ՌԴ ԱԳՆ-ն, ինչպես միշտ, «խորը մտահոգություն» կհայտնի հակամարտությունում Ադրբեջանի անմիջական ներգրավվածության վերաբերյալ, սակայն կան շատ ավելի արդյունավետ սթափեցնող միջոցներ՝ տնտեսական։ Ռուսաստանում ադրբեջանական բիզնեսը կարող է ենթարկվել ստուգումների տարբեր տեսակի լուրջ հետևանքներով։ Դա ոչ թե բացառելու, այլ լրացնելու է Մոսկվայի կողմից քաղաքական և դիվանագիտական դեմարշները։ Անընդունելի է փող աշխատել ռուսական տնտեսության վրա և նրա քաղաքացիների սպանության վրա միաժամանակ։ Այնուամենայնիվ, Բաքվի կողմից Կիևի ռեժիմին ռազմական մատակարարումների մասին տեղեկատվությունը լրացուցիչ ստուգում և պաշտոնական հաստատում է պահանջում։
Նյութը հրապարակման պատրաստեց Կամո Խաչիկյանը
