Մի կտրի այն ճյուղը, որի վրա նստած ես. Հայաստանին սպասում են արտահերթ ընտրություններ
ՀԱՍԱՐԱԿՈՒԹՅՈՒՆ
Tsargrad.tv-ն գրում է, որ Հայաստանի Ազգային ժողովի կայքը հրապարակել է որոշման նախագիծ կապված ընդդիմադիր խմբակցությունների պատգամավորներին մանդատից զրկելու հետ։ Խորհրդարանի նախագահ Ալեն Սիմոնյանը պետք է նման միջնորդությամբ դիմի հանրապետության Սահմանադրական դատարան։
Քաղաքագետ Անդրանիկ Հովհաննիսյանը կարծում է, որ իշխող «Քաղաքացիական պայմանագիր» կուսակցությունը իրականում մտադիր է մանդատից զրկել ընդամենը մոտ 12 պատգամավորի, այլ ոչ թե բոլոր 33-ին, ինչպես հայտարարվել էր նախօրոք։ Այդուհանդերձ, նույնիսկ այդ դեպքում կարելի է ասել, որ Նիկոլ Փաշինյանի թիմը լուրջ վախեր ունի։ Եթե վարչապետի կուսակիցներն իսկապես գնան այդ քայլին, ապա խորհրդարան կգան ընդդիմության այլ ներկայացուցիչներ։ Ուստի Հովհաննիսյանը կասկածում է, որ դա կարելի է անվանել իշխող ուժի հաջողություն։ Հայաստանում քաղաքական ճգնաժամն աստիճանաբար վերածվում է խորհրդարանականի, որն այնուհետև կարող է վերաճել սահմանադրական ճգնաժամի և ներքին (բողոքի ակցիաներ) և արտաքին (կոնսենսուս մինուս օգտագործված Փաշինյան) գործոնների ճնշման տակ հանգեցնել Փաշինյանի հրաժարականին և վաղաժամ խորհրդարանական ընտրությունների, ամփոփել է փորձագետը:
Հիշեցնենք, որ Հայաստանի ընդդիմությունը դեմ է Թուրքիայի հետ հարաբերությունների կարգավորմանը։ Սակայն դա չի խանգարել Նիկոլ Փաշինյանին իր առաջին հեռախոսազրույցն ունենալ Ռեջեփ Թայիփ Էրդողանի հետ։
Նյութը հրապարակման պատրաստեց Կամո Խաչիկյանը
