Ավստրալիայում կկառուցվի «արևի մաշկով» առաջին օֆիսային շենքը

Cursorinfo.co.il-ն գրում է, որ Մելբուռնում կառուցվելիք 40 միլիոն ավստրալական դոլար արժողությամբ շենքն ամբողջությամբ ծածկված կլինի 1182 արևային մարտկոցներով, ինչը կօգնի վերացնել տարեկան մոտ 70 տոննա ածխաթթու գազի արտանետումները:

Ավստրալիայում արևային մաշկ ունեցող առաջին գրասենյակային շենքի շինարարությունը նախատեսվում է սկսել հաջորդ տարի, ինչը համարվում է վերականգնվող էներգիայի կարևոր իրադարձություն: Այս մասին հայտնում է Independent-ը։

Արևային մարտկոցներն ունեն նույն հաստությունը, ինչ սովորական ապակին և օգտագործում են «բարակ թաղանթով ֆոտոգալվանային մոդուլ»՝ արևային էներգիայից այն քանակի  էլեկտրաէներգիա ստանալու համար, որը կբավարարի ութ հարկանի շենքը սնուցելու համար:

Neoscape ծրագրի ղեկավարն ասել է, որ շենքը «ESD-ի (էկոլոգիական կայուն դիզայն) նոր նշաձող կսահմանի գրասենյակային շենքերի համար՝ թույլ տալով շենքերի արևային ֆասադները ինտեգրել ամբողջ Վիկտորիայով»: Գերմանական Ավանսիս ֆիրմայի կողմից արտադրված Skala Solar Leather արևային մարտկոցները ունեն տարբեր չափեր և գույներ, հենց դրանք էլ կարող են օգտագործվել տարբեր շենքերի և շինարարական նախագծերում:

«Արտոնագրված գունային տեխնոլոգիայի շնորհիվ գունային սպեկտրը տատանվում է մետաքսյա հարթ փայլատ երանգից մինչև ինտենսիվ, լույսից կախված գունային գրադիենտների վրա», - գրված է ընկերության կայքում:

Այդ տեխնոլոգիան արդեն կիրառվել է Եվրոպայում հասարակական, առևտրային և բնակելի շենքերում, սակայն ամբողջական տեսքով առաջին անգամ դա արվելու է Ավստրալիայում, որը արևային էներգիայի համաշխարհային առաջատարներից մեկն է։

Հայաստանում արևային պանելներ արտադրող առաջին և միակ ընկերությունը Սոլարոնն է։
Տեղադրե՛ք SolarOn արևային կայան և զրոյացրեք էլեկտրաէներգիայի ծախսը:
Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորության և արժեքի վերաբերյալ։
Զանգահարեք`  87-57, (010) 44-00-55
էլ. փոստ`  [email protected]