Փաշինյանը այն ամենավատ բանն է, որ կարող էր պատահել Հայաստանի հետ. քաղաքագետ

Regnum.ru-ն գրում է, որ Հայաստանի նոր ղեկավարը լինելու է ազգային կողմնորոշված, և, ի տարբերություն Նիկոլ Փաշինյանի, գործելու է` ելնելով հայ ժողովրդի շահերից։ Այդ մասին REGNUM-ի թղթակցին ասել է քաղաքագետ Ասլան Ռուբաևը։

«Ամենավատ բանը, որ կարող էր պատահել Հայաստանի հետ, արդեն եղել է, դա Փաշինյանն է: Փաշինյանի ֆոնին ցանկացած այլ քաղաքական առաջնորդ ավելի շատ կշիռ կունենա, քան նա։ Հիմա Հայաստանում շատ լայն քաղաքական դաշտ կա։ Ամենայն հավանականությամբ, Հայաստանում կարող է լինել ինչ-որ կոալիցիոն կառավարություն։ Կարծիք կա, որ նախկին նախագահ Ռոբերտ Քոչարյանի դիրքերը զգալիորեն ամրապնդվել են։ Հետևաբար, երևի թե նա լինի Քոչարյանի մարդը։ Հայաստանը պատրաստ չէ երկրի նախկին ղեկավար Սերժ Սարգսյանին կրկին տեսնել պետության ղեկավարի դերում։ Նա պետք է լինի այնպիսի նոր մարդ, ով չի արատավորել իր հեղինակությունը։ Միգուցե լինի զինվորական: Եվ, ամենայն հավանականությամբ, նա կլինի ազգայնական գործիչ։ Ազգայնական ասելու առումով դա չի նշանակում, որ նա կասի «Հայաստանը հայերի համար», դա նշանակում է, որ նրա գործունեությունը բխելու է Հայաստանի հիմնարար շահերից։ Հայերը չեն աջակցի հակառուսական հռետորաբանությանը, քանի որ նրանք ուկրաինացի չեն, վրացիներ և բալթներ չեն»,- ասել է Ասլան Ռուբաևը:

Հիշեցնենք, որ Հայաստանում ավելի քան երկու շաբաթ է, ինչ ընդդիմադիր ուժերը շարունակում են բողոքի ակցիաները՝ պահանջելով վարչապետ Նիկոլ Փաշինյանի հրաժարականը։