Նովոսիբիրսկից ՏՏ մասնագետի ընտանիքը Հայաստան է տեղափոխվել գործատուի պատճառով

Aif.ru-ն գրում է, որ վեց ամիս առաջ Նատալիայի և Իվանի ընտանիքը Նովոսիբիրսկից տեղափոխվել էր Սանկտ Պետերբուրգ, քանի որ ընտանիքի ղեկավարին լավ աշխատանք էր առաջարկել մի միջազգային ՏՏ ընկերություն։ Նատալյան ընդունվել էր համալսարան, դստերը տեղավորվել մանկապարտեզում և լավ բնակարան էր գտնվել։

Սակայն շուտով ՏՏ ընկերությունը աշխատակիցներին հայտարարել է, որ փակում է գրասենյակները Ռուսաստանում։ Աշխատողներին առաջարկվել է հեռանալ երկրից կամ հեռանալ աշխատանքից ստանալով արձակման վճար՝ վեց ամսվա աշխատավարձի չափով։

Նատալյան նշում է, որ իրենք լիովին գոհ են եղել Սանկտ Պետերբուրգից, ընտանիքը պլաններ է կազմել այդ քաղաքի համար, սակայն խորհրդակցելուց հետո որոշել են տեղափոխվել։ Հիմնական պատճառը եղել է կարիերայի հեռանկարների բացակայությունը։ Նրանք ընտրել են Հայաստանը, քանի որ այնտեղ կյանքն ավելի էժան է համարվում, քան Վրաստանում։ Իվանի ընկերությունն  խոստացել է սկզբի համար փոխհատուցել տոմսերի և բնակարանի վարձակալության արժեքները։

Ընտանիքը որոշել է ռուբլային հաշիվների խնայողությունները փոխանցել կրիպտոարժույթի, այնուհետև արտասահմանյան հաշվին։ Մոսկվա - Երևան տոմսերին տրվել է մոտ 60 հազար ռուբլի։ Նովոսիբիրսկի բնակիչներին Երևանի օդանավակայանում դիմավորել է իրենց վարձակալած բնակարանի սեփականատերը, ծանոթացրել է իր ընտանիքին  և ցույց տվել քաղաքը։ Նատալիան նշում է տեղացիների հյուրընկալությունը, ինչպես նաև ռուսների մեծ թիվը և քաղաքի գեղեցիկ ճարտարապետությունը։ Ընտանիքը ամսական 1000 դոլարով վարձել է չորս սենյականոց բնակարան բոլոր տեխնիկայով։ Ինչ վերաբերում է մյուս գներին, ապա այստեղ կաթն արժե մոտ 200 ռուբլի, ճաշը սրճարանում մոտ 1120 ռուբլի, մեծ սնիկերսը՝ 79 ռուբլի, ռուսական հնդկաձավարի տուփը՝ 219 ռուբլի, մեկ տասնյակ ձուն՝ 136 ռուբլի, մեկ կիլոգրամ լոլիկը՝ 200 ռուբլի։ Առայժմ ընտանիքը մանկապարտեզ չի փնտրել դստեր համար, սակայն տեղեկություն է ստացել, որ երեխային կարող են նույնիսկ պետական ​​մանկապարտեզ ուղարկել, իսկ դպրոցներում ռուսերենի դասընթացներ կան։ Դուստրը հաջորդ տարի պետք է դպրոց գնա, սակայն ընտանիքը հույս ունի, որ մինչ այդ կվերադառնա Ռուսաստան կամ կտեղափոխվի Գերմանիա։ Ըստ Նովոսիբիրսկի բնակիչների ընկերության տեղափոխության մասին հայտարարությունից հետո առաջին մի քանի օրվա ընթացքում ընկերության 2000 աշխատակիցներից մոտ 900-ը դիմել են տեղափոխության համար: Իվանը կարծում է, որ պետական ​​նպաստները չեն կարողանա Ռուսաստանում պահել ՏՏ ոլորտի մարդկանց: Ռուսաստանում մնալու էական գործոններ կարող են լինել միայն հարազատներն ու անշարժ գույքը։

Նյութը հրապարակման պատրաստեց Կամո Խաչիկյանը

www.1or.am