Կարեն Քոչարյանն այսօր նշում է 55-ամյակը

Քաղտեխնոլոգ, «Ի՞նչ, որտե՞ղ, ե՞րբ» խաղի վարող Կարեն Քոչարյանն այսօր նշում է ծննդյան 55-ամյակը:

1or.am-ը որոշեց շնորհավորել վերջինիս և մի քանի բլից հարց ուղղել:

- Ո՞րն է ձեր 55-ամյա կյանքի ամենահիշվող օրը:

- Երևի թե երեխաներիս ծննդյան օրերը:

- Ամենահիշվող ծննդյան նվե՞րը:

- Չկա այդպիսի նվեր, յուրաքանչյուր նվեր ինձ համար հիշվող է:

- Ամենաանսովոր ծննդյան շնորհավորա՞նքը:

- Ծննդյան հետ կապված չի եղել, ուրիշ առիթով եմ ստացել ամենաանսովորը:

- Ամենատպավորվող տարեդարձը՞:

- Յուրաքանչյուր տարիք իր վառ տպավորություններն է թողել: Կյանքիս յուրաքանչյուր տարին տարբեր էտապներում տարբեր էմոցիաներ է թողել՝ մանկական, հետո դպրոցական, ուսանողական, երիտասարդական, գործնական, հետո՝ արդեն ընտանիք:

- Եթե հնարավորություն ունենայիք ժամանակը հետ տալու և հայտնվելու այդ էտապներից մեկում, ո՞ր տարիքը կուզենայիք ետ բերել:

- Միմիայն ուսանողություն:

- Կա մի բան, որ այդպես էլ չեք արել ուսանող տարիներին, որի համար փոշմանում եք և վերադառնալու դեպքում անպայման կանեիք:

- Չկա այդպիսի բան, ամեն ինչ կանեի նույնությամբ:

- Ի՞նչ ակնկալիքներ ունեք 55-ից:

- Նույնը, ինչ մնացած բոլոր տարիքներից:

Մարիամ Նալբանդյան