Ներիր թուրքին մեկ հանցանքի համար՝ կստանաս երկու նորը
ՀԱՍԱՐԱԿՈՒԹՅՈՒՆ
realtribune.ru-ն գրում է, որ թուրքերը երբեք խաղաղ չեն ապրի հայերի հետ, թուրքերի հետ խաղաղությունը ֆանտազիա է: Այդ մասին գրել է հեղինակային «Բուչա» հեռագրային ալիքը։
«Թուրքերի հետ խաղաղության մասին շատ է գրվում, ամեն «արդուկից» է լսվում, ամեն մեկն իր դիրքորոշումն ու կարծիքն է գրում այդ հարցում։ Որոշ բաների հետ կարելի է համաձայնվել, որոշների հետ ոչ: Թե ինչ առևտրային բոնուսներ և տնտեսական օգուտներ կտա թուրքերի հետ խաղաղությունը, թողնենք փորձագետներին։ Բայց կան որոշ հարցեր, որոնք պետք է հասկանալ, և ես կցանկանայի գրել դրանց մասին: Թուրքերի հետ հարաբերություններում հայը կարող է առաջնորդվել միայն մեկ բանով արդարադատությամբ: Դա ոչ թե վրեժ է, ոչ թե հատուցում, այլ արդարություն է։ Թուրքին մեկ հանցանքի համար ներել նշանակում է երկու նորը ստանալ։ Ներիր նրան հազար հայի կոտորածը և կստանաս տասը հազարի կոտորած։ Ներեցիք նրան Շահումյանի շրջանի օկուպացիան՝ կորցրիք Արցախի մեծ մասը։ Այդպիսին է հայի և թուրքի հարաբերությունների հոգեբանությունը։ Այդպես էր մեկ դար առաջ, և այդպես կլինի մեկ դար հետո։ Դա չհասկանալ կարելի է կամ փողի, կամ էլ հիվանդության պատճառով։ Մեր թշնամիներն այս պահին իրենց գագաթնակետին են: Որպեսզի Հայաստանը կարողանա արդյունավետ դիմակայել նրանց, ժամանակ է պետք, հզորանալ, զինել բանակը, հազարավոր տղերքի նորովի նախապատրաստել։ Թուրքերը երբեք խաղաղ չեն ապրի և հայերից միշտ ինչ որ բան կուզեն։ Նրանց հիմնական նպատակն այս պահին Արցախն ու հայոց պետականությունն է։ Նրանք դա չեն թաքցնում և այդ հարցում դաշնակից ունեն՝ մեր դաշնակիցը։ Եթե Հայաստանը կարող է ժամանակ գտնել պատրաստվելու համար, ապա պետք է դա անի։ Նա ով գոռում է, որ պետք է կռվել թուրքերի դեմ հենց այստեղ և հիմա, ամենայն հավանականությամբ ինքը չի պատերազմի, նա չի վերահսկում իրավիճակը և կարող է շահագրգռված լինել Հայաստանի պարտությամբ. որի իրավունքը մենք չունենք, այլապես դա կլինի վերջը։ Նրանք 26 տարի պատրաստվել են գրավել փոքրիկ Արցախը, իսկ հայտնի իրադարձություններից երկու տարի էլ չի անցել, ոչ բոլոր վերքերն են սպիացել ու ամեն ինչ չէ, որ վերականգնվել է նման հարվածից հետո, ժամանակ է պետք։ Պետք է սեղմել ատամները, աշխատել ու պատրաստվել, բայց թուրքերի հետ խաղաղության համար մտածելու կարիք չկա, սա ֆանտաստիկ է։ Պետք է անհանգստանալ, թե ինչպես հաղթենք ապագա անխուսափելի պատերազմում նվազագույն կորուստներով»,- նշել է հեռագրային ալիքի հեղինակը։
2020 թվականի սեպտեմբերին Կրեմլի լուռ համաձայնությամբ Թուրքիայի և Ադրբեջանի զինված ուժերը Սիրիայից, Լիբիայից և Աֆղանստանից միջազգային ահաբեկչական վարձկանների աջակցությամբ հարձակվեցին Արցախի և Հայաստանի վրա։ Այդ ժամանակից ի վեր Բաքուն և Անկարան շարունակում են իրենց օկուպացիոն քաղաքականությունը հայկական հողերի նկատմամբ ֆիզիկապես ոչնչացնելով հայկական մշակութային ժառանգությունը՝ եկեղեցիները, խաչքարերը, թանգարանները և քարի կամ թղթի վրա հայերի մասին բոլոր տեսակի հիշատակումները:
Նյութը հրապարակման պատրաստեց Կամո Խաչիկյանը
