Հունաստանում տունիկայով կնոջ հնագույն արձան է հայտնաբերվել
ՄՇԱԿՈՒՅԹ
Հույն հնագետները տունիկայով կնոջ արձան են հայտնաբերել։ Նախնական հաշվարկներով` այն ստեղծվել է Հռոմեական կայսրության օրոք։ Այս մասին հայտնել է Հունաստանի մշակույթի եւ սպորտի նախարարությունը, փոխանցում է «ՌԻԱ Նովոստի»-ն:
Արձանը հայտնաբերվել է հնագույն Էպիդաուրուս քաղաքում, որը գտնվում է Պելոպոննեսի հյուսիս-արեւելքում: Այն հայտնի է Ասկլեպիոսի տաճարով եւ թատրոնով, որտեղ ամեն տարի թատերական ներկայացումներ են անցկացվում։ Այնտեղ անընդհատ հնագիտական աշխատանքներ են տարվում։
«Հինգշաբթի` դեկտեմբերի 16-ին, հին Էպիդաուրուսի շուկայում կարեւոր գտածո է հայտնաբերվել։ Դա կնոջ բնական չափերի մարմարե արձան է՝ շատ լավ որակի։ Արձանը հայտնաբերվել է առանց ձեռքերի եւ գլխի, որոնք հավանաբար պոկվել են ընկնելու ժամանակ»,- ասվում է նախարարության հաղորդագրության մեջ։
«Այս տարվա պեղումների սեզոնն արդեն ավարտվել էին, բայց հորդառատ անձրեւները քշել են հողը եւ մերկացրել արձանի հետնամասի մի հատվածը տեղանքում, որտեղ աշխատանքները դեռ ավելի խորը շերտերի չէին հասել: Տարածքում անմիջապես պեղումներ են իրականացվել»,- հայտնել են նախարարությունից։
Քանդակի աղջկա է պատկերում` տունիկայով եւ թիկնոցով։ Այդպիսի կերպարը բնորոշ է հին ժամանակներում ամուսնացած կանանց քանդակներին։ Այդպես հաճախ պատկերվում էր Հիգիան կամ Հիգեան՝ առողջության աստվածուհին, Ասկլեպիոսի կինը կամ դուստրը:
Արձանը տեղափոխվել է Ասկլեպիոնի պահեստ՝ պահեստավորման, մաքրման եւ վերականգնման համար։
