Բրիտանացի գիտնականները հայտնել են՝ երբ հնարավոր կլինի պատկերացում կազմել «Օմիկրոն» հիմնամանրէի իրական վտանգի մասին
ՀԱՍԱՐԱԿՈՒԹՅՈՒՆ
Կորոնավիրուսի նոր «Օմիկրոն» հիմնամանրէի իրական սպառնալիքի մասին պատկերացում կազմել հնարավոր կլինի միայն նոր տարում: «ՌԻԱ Նովոստի»-ի փոխանցմամբ՝ այս մասին հայտնում են Մեծ Բրիտանիայի կառավարությանը կից խորհրդատվական խմբի գիտնականները:
Բրիտանական գիտախմբի փորձագետները ենթադրում են, որ մոտ մեկ ամիս կպահանջվի՝ որոշելու համար, թե որքան վտանգավոր է «օմիկրոն» հիմնամանրէն, հոսպիտալացման ինչ մակարդակ կարող է առաջացնել և ինչպես է շրջանցում արդեն իսկ ձևավորված իմունիտետը:
Գիտնականների կարծիքով՝ եթե մեկ ամսից հոսպիտալացման կտրուկ աճ չնկատվի «Քովիդ-19»-ի նոր տեսակի պատճառով, կարելի կլինի ասել, որ կարելի է «հանգիստ շունչ քաշել»:
Սակայն իրավիճակի կտրուկ վատթարացման դեպքում դա նկատելի կլինի շատ ավելի շուտ՝ մեկ-երկու շաբաթվա ընթացքում:
Հիշեցնենք, որ «Օմիկրոն» հիմնամանրէն նոյեմբերի վերջին սկսել է տարածվել Աֆրիկայի հարավային շրջաններից և արդեն հայտնաբերվել է 30 երկրում: Առողջապահության համաշխարհային կազմակերպությունն այն անվանել է հունական այբուբենի 15-րդ տառով:
