Գարիկ Խարլամովը խոսել է Անդրեասյանի ոչ պատշաճ պահվածքի մասին.«Շպրտել է ականջակալները, ապա կոտրել դուռը

csn-tv.ru-ն գրում է, որ շոումեն Գարիկ Խարլամովը հիշել է մի դեպք, երբ «Չիկատիլո» ֆիլմի հեղինակ Սարիկ Անդրեասյանը հյուր է եղել ռադիոյում: Հայտնի հումորիստը «Ցնցող շոուի» եթերում է խոսել ռեժիսոր Սարիկ Անդրեասյանի ոչ պատշաճ պահվածքի մասին։ Ռադիոհաղորդման ժամանակ նրան հարցնում են. «Ինչո՞ւ նկարահանեցիք այդ ֆիլմը»։ Նա պատասխանում է. «Դե, ընտանիքներ կան, որոնց մոտ նման ողբերգություն է տեղի ունեցել»։ Հետո նրանց խոսակցությունը սխալ ուղղությամբ է ընթացել։ Մի կին է զանգահարել ռադիո և ասել, որ բավական է նման բաներ նկարահանել։ Նա նաև ասել է, որ Անդրեասյանը պետք է վերադառնա Հայաստան:

Գարիկի խոսքով դրանից հետո Սարիկը հայտարարել է, որ պետք է պայքարել շովինիզմի դեմ: Ռեժիսորը նաև նկատել է, որ ինքը արվեստագետ է և իրավունք ունի նման բաներ նկարահանել։ Սակայն հաղորդավարուհին անջատել է զանգը և արագ ավարտել հարցազրույցը։ Դրանից հետո Անդրեասյանը գցել է ականջակալներն ու կոտրելով բացել դուռը, հավելել է Խարլամովը։