Իմունոլոգները պատմել են, թե ինչ կլինի կորոնավիրուսի հետ 5 տարի անց
ՀԱՍԱՐԱԿՈՒԹՅՈՒՆ
tsargrad.tv-ն գրում է, որ իմունոլոգ, հատկապես վտանգավոր հիվանդությունների մասնագետ Վլադիսլավ Ժեմչուգովը լրագրողներին պատմել է, թե ինչպես են ինքը և իր գործընկերները տեսնում կորոնավիրուսի «ապագան» երկարաժամկետ հեռանկարում (5 տարվա պլանավորման տեսակետից): Նրա խոսքով, ամենահավանական երեք սցենարներից մեկը կաշխատի, որոնք հաշվարկված են այդ թվում նաև այլ վիրուսների վարքագծի տվյալների հիման վրա։
Առաջին տարբերակը անհետանալն է։ Վիրուսը կարող է դադարեցնել մուտացիան, և, հետևաբար, այն պարզապես կմահանա ու կդադարի գոյություն ունենալ բնության մեջ: Ինչպես նշել են Ժեմչուգովը և նրա գործընկերները, դա տեղի է ունեցել ատիպիկ պնևմոնիայի SARS և մերձավորարևելյան շնչառական համախտանիշի MERS վիրուսների հետ:
Երկրորդ տարբերակը մուտացիաների ժամանակ վիրուսի ագրեսիվության կորուստն է։ Վիրուսները կարող են տեղավորվել որոշ կենդանիների օրգանիզմներում՝ չպատճառելով նրանց մեծ վնասներ։ Համապատասխանաբար, կորոնավիրուսը կարող է հայտնվել «տիրոջ»՝ մեկ այլ կենսաբանական տեսակի մոտ և ապրել նրա մեջ «իմունային համաձայնությամբ»:
Երրորդ սցենարը, ավաղ, ամենավտանգավորն է մարդկանց համար։ Կորոնավիրուսը, իմունոլոգների կարծիքով կարող է մնալ մեզ հետ: «...Այն մշտապես մակաբուծելու է մարդկանց վրա, որպես գրիպի նմանակմամբ երկրորդ վիրուս», - ասել է Ժեմչուգովը:
Նյութը հրապարակման պատրաստեց Կամո Խաչիկյանը
