Բուլղարիայում նախագահական ընտրությունների 2-րդ փուլում հաղթում է գործող նախագահ Ռումեն Ռադևը

Բուլղարիայի գործող նախագահ Ռումեն Ռադևը հաղթում է նախագահական ընտրությունների երկրորդ փուլում։ Այս մասին երկուշաբթի հայտարարել է Կենտրոնական ընտրական հանձնաժողովը (ԿԸՀ)՝ հիմնվելով արձանագրությունների 99,44 տոկոսի մշակման վրա, հայտնում է ՏԱՍՍ-ը։

ԿԸՀ-ի պաշտոնական կայքում հրապարակված տվյալների համաձայն՝ Ռադևի օգտին քվեարկել է ընտրողների 66,67%-ը (1 532 412 մարդ)։ Պետական բարձրագույն պաշտոնի երկրորդ հավակնորդը՝ Սոֆիայի համալսարանի ռեկտոր Անաստաս Գերջիկովը ստացել է ձայների 31,85%-ը (732,035)։ Բոլորին դեմ է քվեարկել ընտրողների 1,48%-ը (33979)։

Բուլղարիայում կիրակի կայացել է նախագահական ընտրությունների երկրորդ փուլը, որն անցել է առանց լուրջ խախտումների։ Ձայների հաշվարկն ավարտվում է: