Ռուս խաղաղապահները մեկ տարում մոտ 300 տոննա հումանիտար օգնություն են փոխանցել Լեռնային Ղարաբաղի կարիքավոր բնակիչներին. ՌԴ ՊՆ

Ռուսական խաղաղապահ զորակազմի զինծառայողները վերջին մեկ տարվա գործունեության ընթացքում ավելի քան 300 տոննա հումանիտար ապրանք են փոխանցել Լեռնային Ղարաբաղի կարիքավոր բնակիչներին, բազմազավակ ընտանիքներին և տեղահանված անձանց: Այս մասին ասվում է ՌԴ ՊՆ տեղեկագրում:

Զինծառայողները բարեգործական կազմակերպությունների հետ ավելի քան 226 հումանիտար միջոցառում են իրականացրել քաղաքներում և հեռավոր համայնքներում, դպրոցներում, մանկապարտեզներում և տուն-ինտերնատներում, այդ թվում՝ ավելի քան 100 հասցեական հումանիտար ակցիաներ են իրականացվել:

Ռուս խաղաղապահները կանոնավոր կերպով համալիր միջոցառումներ են իրականացնում՝ տեղի բնակիչների հետ աշխատանք տանելով և կարիքավոր բնակիչների մասին տեղեկություն հավաքելով:

Հիշեցնենք, որ նոյեմբերի 9-ին Ռուսաստանի, Հայաստանի և Ադրբեջանի ղեկավարները Լեռնային Ղարաբաղում ռուս խաղաղապահների տեղակայման շուրջ պայմանավորվածություն են ձեռք բերել, ստորագրվել է հայտարարություն, որով Ադրբեջանին են անցնում Արցախի յոթ շրջանները, Շուշին ու Հադրութը` բացառությամբ մի գյուղի, գյուղեր Ասկերանի ու Մարտունու շրջանից, ինչպես նաև Մարտակերտի շրջանի Թալիշ և Մատաղիս գյուղերը։