Բուտուսովը Ադրբեջանի ԶՈւ-ի կողմից Շուշիի գրավման մասին
ՀԱՍԱՐԱԿՈՒԹՅՈՒՆ
dialog.ua-ն գրում է, որ պատերազմի տարելիցին Ադրբեջանի իշխանությունների հրավերով լրագրող Բուտուսովն այցելել է Շուշա և իր աչքերով տեսել հարձակման իրավիճակն ու ուղղությունները։ Ադրբեջանի գլխավոր շտաբի թիվ 052 զորամասի հատուկ նշանակության Յաշմա ջոկատի և Նախիջևանի հատուկ նշանակության ջոկատի երկու գումարտակների հարձակման հետևանքով է Շուշան գրավվել։ Հարձակմանը մասնակցել է ընդամենը մոտ 300 զինծառայող։ Ադրբեջանցիները շրջանցել են հայկական պաշտպանական դիրքերը հարավում՝ Դաշալթի (Քարին տակ) գյուղի տարածքում՝ Շուշայի ժայռի ստորոտում։ Ադրբեջանական ջոկատները միայն հրաձգային զենքով արևելքից և արևմուտքից լեռներով անցել են Շուշա։ Նոյեմբերի 6-ին մառախուղ է եղել, և ադրբեջանցիները կտրել են Շուշայի մակատակարարման ճանապարհը դեպի Խանքենդի (Ստեփանակերտ), ապա ներթափանցել բուն քաղաք՝ բարձրանալով առանց լեռնագնացության տեխնիկայի, առանց ճանապարհների, իրենց անհատական զենք-զինամթերքով։ Դա հսկայական ռիսկ է եղել, բայց լրջորեն հաշվարկված։ Ադրբեջանցի գեներալ Հիքմեթ Միրզոևն է անմիջականորեն ղեկավարել մարտական կազմավորումներից գործողությունները և իրավիճակի վերաբերյալ որոշումներ կայացրել։ Ըստ լրագրողի Շուշայում տեղի ունեցած գործողությունը հանգեցրել է բազմաթիվ զոհերի երկու կողմից։ Մեկ անգամ չէ, որ մոտ տարածությունից մարտեր են եղել, ոչ ոք չի ցանկացել տեղի տալ։ Երկու կողմերն էլ դրսևորել են շատ բարձր մոտիվացիա և պայքարելու պատրաստակամություն։ Երկու կողմերն էլ ունեցել են իրենց խնդիրները։ Շուշիի արևելքում հատուկ ջոկատայինները նախ գրավել են Ջիդըր Դուզու բարձրավանդակի դիմաց գտնվող լեռը։ Իսկ երբ նոյեմբերի 6-ին մառախուղը ցրվել է, ադրբեջանցիները շատ անհարմար և վտանգավոր ճանապարհով բարձրացել են դեպի հենց Ջիդիր Դուզու: Այնտեղ մնացած են եղել մի քանի հայեր, ովքեր հայտնաբերել են թշնամուն և կարճ մարտի մեջ մտել միայն այն ժամանակ, երբ տարածությունը կրճատվել է մինչև 20-30 մետրի։ Շուշիի ժայռի վրա բեկումը և ճանապարհը փակելը հանգեցրել են հայերի պաշտպանության ամբողջական փլուզման։ Բուն Շուշայում կռիվները քիչ են եղել, հիմնական մարտերը տեղի են ունեցել քաղաքի շրջակայքի բարձունքներում ու ճանապարհներին։ Ի դեպ, մարտերի նյութերն ու հանգամանքներն ուսումնասիրելիս Բուտուսովը հայկական զորքերի փախուստի նշաններ չի հայտնաբերել։ Հայերը Դաշալթիինում (Քարին տակ) մինչև վերջ են մնացել և կռվել այնքան, մինչև թիկունքից շրջանցվել են։ Հայերի կողմից եղել է հրամանատարական վերահսկողության կորուստ, հետախուզական անկազմակերպվածության, իրավիճակային իրազեկվածության պակաս։ Ադրբեջանցիները հաղթանակի են հասել շատ դժվարին պայմաններում հաղթահարելով թշնամու ուժեղ դիմադրությունը։
Նյութը հրապարակման պատրաստեց Կամո Խաչիկյանը
