Ռուս մասնագետները պատվաստման կեղծ վկայականների թեստ են ստեղծում

Ռուս մասնագետները պատվաստման կեղծ վկայականի թեստ են ստեղծում: Այս մասին «Իզվեստիա»-ին տված հարցազրույցում ասել է Գամալեայի անվան համաճարակաբանության եւ մանրէաբանության ազգային հետազոտական ​​կենտրոնի տնօրեն Ալեքսանդր Գինցբուրգը։

Նրա խոսքով՝ որպես Sputnik V-ով կամ Sputnik Light-ով հաջող պատվաստման մարկեր հանդես է գալիս Ad26 ադենովիրուսի թաղանթային սպիտակուցի նկատմամբ հակամարմինների առկայությունն արյան մեջ, որը չափազանց հազվադեպ է հանդիպում չպատվաստված մարդկանց մոտ։

«Ուստի Ad26-ի նկատմամբ հակամարմինների առկայությունը խոսում է այն մասին, որ մարդիկ պատվաստված են։ Բայց եթե մարդը ռեանիմացիայում է հայտնվում եւ ասում է, որ պատվաստվել է, բայց Ad26-ի նկատմամբ հակամարմիններ չունի, ապա, ամենայն հավանականությամբ, դրա վկայականը կեղծ է»,- ասել է Գինցբուրգը:

Նրա խոսքով՝ Ad26 ադենովիրուսի թաղանթային սպիտակուցի նկատմամբ հակամարմիններ չեն հայտնաբերվել ռեանիմացիայում հայտնված հիվանդների մոտ 80 տոկոսի մոտ, ովքեր պնդում էին, որ պատվաստված են։