Ե՛վ Հայաստանը, և՛ Ադրբեջանը մեր ռազմավարական գործընկերներն են. ՌԴ ՌՀԴԾ ղեկավար

Ե՛վ Հայաստանը, ե՛ւ Ադրբեջանը մեր ռազմավարական գործընկերներն են, նրանցից յուրաքանչյուրն անկախ պետություն է, ինքը կարող է որոշել նոր սպառազինության իր կարիքները։ Այս մասին ՌԲԿ-ին տված հարցազրույցում ասել է ՌԴ ռազմատեխնիկական համագործակցության դաշնային ծառայության ղեկավար Դմիտրի Շուգաեւը՝ պատասխանելով հարցին, թե արդյոք Երեւանը հետաքրքրություն է ցուցաբերել ՌԴ-ի հետ ռազմատեխնիկական համագործակցության հարցով նոր պայմանագրերի նկատմամբ՝ կապված նոր իրավիճակին իր ռազմական ներուժի ադապտացման հետ։

«Հայաստանին եւ Ադրբեջանին մեր մատակարարումներում միջազգային որեւէ պարտավորություն չենք խախտում։ Դա վերաբերում է ցանկացած պետության, որի հետ ռազմատեխնիկական գծով համագործակցում ենք։ Մեկի հետ երկարաժամկետ հիմքով, որոշների հետ էլ՝ օպերատիվ հիմքով։ Մենք հետաքրքրված ենք նշված տարածաշրջանում կայունության եւ խաղաղության պահպանմամբ, որպեսզի հակամարտությունը, որը հաջողվել է դադարեցնել ակտիվ փուլում, կրկին չբռնկվի»,-նշել է Շուգաեւը։