Ռոնալդուն ավելացրել է իր առավելությունը ՉԼ պատմության լավագույն ռմբարկուների մրցավազքում

«Մանչեսթեր Յունայթեդի» պորտուգալացի հարձակվող Կրիշտիանու Ռոնալդուն ավելացրել է իր առավելությունը Չեմպիոնների լիգայի պատմության լավագույն ռմբարկուների մրցավազքում:

Ռոնալդուն դուբլի հեղինակ է դարձել խմբային փուլի 4-րդ տուրի «Ատալանտայի» հետ խաղում (2-2) և ընդհանուր առմամբ ՉԼ-ում դարձել 139 գոլի հեղինակ։

Այսպիսով, պորտուգալացին 16 գնդակով գերազանցում է մոտակա հետապնդող, ՊՍԺ-ի հարձակվող Լիոնել Մեսսիին (123):

Հարկ է նշել, որ երրորդ տեղում ընթանում է Մյունխենի «Բավարիայից» Ռոբերտ Լևանդովսկին, ով դարձել է 81 գոլի հեղինակ: