Ամենացածր տեմպերով է մեզ մոտ աճում ամենակարևոր ցուցանիշը՝ պատվաստվածությունը․ Սոս Հակոբյան
ՔԱՂԱՔԱԿԱՆՈՒԹՅՈՒՆ
«Հայրենիք» կուսակցության մամուլի խոսնակ Սոս Հակոբյանը ֆեյսբուքյան իր էջում գրել է․
«Ինչպես ես հասկանում եմ, պետական քաղաքականության հիմնական գործիքը Քովիդ-19-ի դեմ պայքարում գլխավորապես բնակչության պատվաստվածության բարձր ցուցանիշը պետք է լինի, եթե այդպես է, ապա՝ ինչու՞ ՀՀ առողջապահության նախարարությունը չի նախատեսել դիմակ կրելու բացառություն պատվաստված լինելը և դա QR-ով տեղում հավաստելու հնարավորությունը:
Հատկապես, որ ամենացածր տեմպերով է մեզ մոտ աճում ամենակարևոր ցուցանիշը՝ պատվաստվածությունը: Հատկապես, որ լավ հասկանում եք, որ ինքին բաց տարածքներում այդ պահանջը դնելը, մեղմ ասած, իմաստ չունի, բայց գոնե, եթե վարչարարություն եք անում, այն ծայառեցրեք ոլորտի այս պահի ամենակարևոր նպատակին:
Միտքը՝ ստեղծել կոմֆորտ պատվաստված մարդու համար բոլոր միջոցներով: Սա կարող է ավելի լավ աշխատել, քան գործատուներին աշխատողներից թեստի արդյունք ուզելը:
Անգամ, վերոգրյալը մի կողմ, հիշում եք չէ՞, որ հիմնական զենքը պատվաստումն է, հասկանում եք չէ՞, որ դուք ոչինչ չեք կարողանում արդյունավետ անել, որ մարդիկ ամեն օր հազարներով պատվաստվեն: Ամբողջ օրը դրա մասին մտածեք, ոչ թե վարչական ապարատը ծանրաբեռնեք էշություններով»:
