Պարերը մինուս. պարահանդեսային պարերի պարող պատանիները Հայաստանում քիչ են
ՄՇԱԿՈՒՅԹ
mir24.tv-ն գրում է, որ Հայաստանի Պարահանդեսային պարերի ֆեդերացիան հայտնվել է ծանր վիճակում: Եթե անհապաղ միջոցներ չձեռնարկվեն, ապա հանրապետությունում պարային զույգեր չեն լինի:
Հստակ ռիթմը և կատարելագործված շարժումներ- դա չաչաչան է: Յուրաքանչյուր պարող ունի ընդամենը 40 վայրկյան ժյուրիի անդամներին և հանդիսատեսին ապացուցելու համար, որ նա լավագույնն է այդ առաջնությունում:
«Գլխավորն այն է, որ այստեղ կա առողջ մրցակցություն: Դա շատ մոտ է իմ կերպարին: Իսկ պարում միշտ կարող ես տեսնել, թե ով է իրականում ձգտում հաղթանակի», - ասել է մրցույթի մասնակից Սուսաննա Պողոսյանը: Տասնյակ տարիքային կատեգորիաներ և մոտ կես հազար մասնակից: Արթուր Հակոբյանն ու Հայկուհի Ստեփանյանը պարում են արդեն տասը տարի, սակայն միասին պարում են ընդամենը մեկ տարի: Մրցույթին պատրաստվելը տևել է ընդամենը մեկ ամիս:
«Մեր ընտանիքում ես առաջինն եմ, ով պարում է: Ընտանիքիս անդամները միշտ աջակցում են ինձ իմ հոբբիում», - ասել են մրցույթի մասնակիցներ Արթուր Հակոբյանը և Հայկուհի Ստեփանյանը:
Կորոնավիրուսի պատճառով մրցաշարի ձևաչափը փոխվել է. արտասահմանցի մասնակիցներ չկան, իսկ վարպետության դասերը չեղարկվել են: Բայց հիմնական խնդիրն այլ է․ պարող երիտասարդները ավելի ու ավելի են պակասում:
«Սպորտային պարերում տղաների բացակայության պատճառով մենք ավելի շատ մենահամարներ ենք դնում: Իհարկե, մենք փորձում ենք գրավել տղաներին: Օրինակ՝ մենք նրանց համար անվճար դասեր ենք անցկացնում», - ասել է մրցույթի կազմակերպիչ, մրցավար Ժորա Մխիթարյանը։ Ներկայումս Համահայկական պարի խորհուրդը նպատակ ունի սպորտային պարերը հասանելի դարձնել Հայաստանի բոլոր մարզերում: Եվ դրա առաջին քայլը նոր սերնդի պարուսույցների պատրաստումն է:
Նյութը հրապարակման պատրաստեց Կամո Խաչիկյանը
