Ո՞ր մթերքներն են 80 տոկոսով նվազեցնում ինսուլտի վտանգը
ՀԱՍԱՐԱԿՈՒԹՅՈՒՆ
Կաթվածի վտանգը կարող է զգալիորեն նվազել որոշակի սննդակարգի դեպքում, որը մի շարք մթերքներից հրաժարում է ենթադրում:
Ինչպես նշում է Express-ը, փորձագետները նշել են այն ճաշացանկը, որն օգնում է 80 տոկոսով պաշտպանել մարդուն սրտանոթային հիվանդությունների անդառնալի հետեւանքներից:
Քաղցկեղի եւ սննդի ուսումնասիրությամբ զբաղվող եվրոպական առաջադեմ կազմակերպությունը (EPIC) հայտնում է, որ ինսուլտը տեղի է ունենում, երբ արյան հոսքը դեպի ուղեղ արգելափակվում է, ինչը, իր հերթին, կանխում է թթվածնի՝ ուղեղի հյուսվածքներ հասնելը: Նշվում է, որ որքան շուտ մարդը կաթվածից բուժում ստանա, այնքան ավելի քիչ կվնասվի նրա ուղեղը:
Ըստ հետազոտողների՝ հագեցած ճարպերով եւ տրանսճարպերով հարուստ սննդակարգերը կապված են կաթվածի եւ սրտի այլ հիվանդությունների հետ: Մասնագետները նաեւ նախազգուշացրել են աղի չարաշահման մասին, քանի որ այն կարող է բարձրացնել արյան ճնշման մակարդակը:
Մրգերի, բանջարեղենի, մանրաթելերի, կաթի, պանրի կամ մածունի ավելի հաճախակի օգտագործումը կապված էր իշեմիկ ինսուլտի, բայց ոչ հեմոռագիկ ինսուլտի ավելի ցածր ռիսկի հետ:
